سالفتي اويا فستان عرسي

الصراحه انا معرسه من شهرين و فستاني مفصلتنه عند ازرا و غالي و الصراحه كنت ببيعه و رمستني و قالتلي ايبي الفستان و البيزات عند فلبينيتي و برغم انها جايفه الصور و تدري ان الفستان ما فيه طرحه فيه شرايط دانتيل موصلات من الظهر لين الشعر المهم و يوم و ديته من الاحترام و الادب انها تخبرني انها ما تباه عسب الطرحه لكنها ما رمست و دخلت الفلبينيه الفستان و تغريبا تميت اترياها فوق الربع ساعه و اخر شي ظهرت الفلبينه الفستان و اتصلت البنت و قالت ان الفستان ما لزمها و ما بتشتريه لان ما فيه طرحه

ليش ما قالت من البدايه ها الرمسه عشان ما اعبل ابعمري و اوديه اللها ….
ع العموم انا الحين مخليه فستاني اي بنت بتعرس و محتاجه فستان عرس او ليله حنا اتي و تاخذه و تلبسه اذا ظروفها ما ساعدتها و اذا حابه اتاجره يا مرحبابها لان البيزات الا و صخ دنيا و انا ما اهتم فيها مووليه بس الا احب انوهه حق ها الحريم الا ياجرن فساتين اعراس عيب عليهن مثل ها التصرفات لان و الله 3 ساعات و انا في الدرب لين ما وصلت عندها

الا حابه الفستان تلبسه في عرسها لانه ايديد او اتاجره مره بالسعر الا ايناسبها لو ب 2024 يا مرحبابها

وفكرته وربي عجيبه,, انه بدون طرحه وفيه شرايط تتوصل للتسريحه ^^

كل التوفيق لج الغاليه في تاجيره او بيعه ,,,

حبيت فيج رووحج و تفكيرج انج تأجرينه باي سعر ..
لان في نااس صدق ظروفها ما تسمح انها تاجر فستان ب 10 و فوق
والمفروض انه نحن نشجعج ونشجع غيرج على هاي المبادرة ..
ونبدا نحن ك مواطنات نغير تفكيرنا ونبدا نفكر بطريقه افضل وما نكون استغلاليات وتهمنا المادة ..
سعادة الشخص اغلى من المال .. اللي يفكر فيه الانسان ..