السلام عليكم ..
شحالكم بنات وحريم .. ان شاء الله بخير ..
بنات ابا اسأل كيف تحافظون على جمال ريولكم ؟ يعني انا مرات اشوف ها الاعلانات واشوف ريل كل وحده صااافيه وحلوه واتغايض شوي خخخ ..
عقب ما اشل الشعر ،، يظهر بعض الشعر تحت الجلد .. ومرات اطلع الشعر بروحي ( بايدي اعصر الشعره لين ما تطلع من تحت الجلد خخ ) .. وعقبها اتم مكانها ندب وآثار بنيه .. اقدر اخوزها ؟؟ وكيف ؟؟؟
يعني هي الحمدلله مب وايده .. بس خاطري تكون ريلي صافية .. ونظيفه .. و"تحسباً للمستقبل يعني خخخ" ..
هل اقدر اسوي خلطات او اي كريمات تساعد في هالشي ؟؟؟
وكيف اقدر امنع ان الشعر يظهر تحت الجلد ؟؟ انا اشل اكثر شي بمكينة براون .. فشو الحل ؟؟
ومشكوريييين مقدماً حبيباتي
مادري والله
المشاركة الأصلية كتبت بواسطة نغم الحزن 
حلوه "تحسباً للمستقبل" عيبتني
ان شاء الله نلاقي اللي يفيدنا
خخخ افركيييييهاااااااااااااااا
رطبيهاااااااااااااااااااااااااااااا
لمعيهااااااااااااااا >>>> بخاخ الرييوول اللي يوحد لون الريول مؤقتا
موفقه
انا الحمدالله ريلي واايد حلوة يمكن ابيض شي في جسمي
لاني واايد اهتم فييه
ليش
اغسله بصاابون ديتول على طوول يعني بين كل ساعتين اغسلة احب تكوون دايما نظييفة لانه هي اكثر منطقة تعرضاا للجراثيم والوصااخة بما انه نمشي عليهاا طل الوقت
وثانياا قبل لاترقديين دهني ريولج واقداامج بكريماات يا طبيية من الصيدلية او من بودي شوب وانا استعمل السكرااب من بودي شووب استعمله كل يومين تقريبا قشر ريولي والكريم استعمله على طوول ليل ونهااار اول ما انش او هيمالايا حلو بعد يخل الريوول ناعمة
ويشل التشققات والجفاف اللي من عند الكعب
اما عن الشعر اللي فالريول
انتي يظهرلج الشعر تحت اليلج لانج تشلينه بمكيينة انا قبل كنت اسوي نفس الشي وكاان ينبت الشعر تحت الريل منجي وقفت فاحسن طريقة هي الحلاوة لانها تشل الشعر من الجذوور
وتخليه واايد ناعم وماايطلع هالحبوب
ترى حتى الوااكس=الشمع يسويي حبات سووودة
وعفكرة طريقتج في تفييص الحبوب عشاان طلع الشعرة غلط
لانهاا تخلي البقعة وماتخوز ابداا يتم مكانها ندب بنية فمانصحج بها الطريقة
لانه تشوه الريل وتزييد هالنقط يوم بعد يووم
ولاتنسين اهم شي نظاافة اظاافرج وانج ترتبينهم وتقصقينهم بشكل حلوو
وكل اسبوع تسوييلهم بديكير او منكيير يطلع شكله حلوو واايد
واتمنى اني فدتج وافدت البنات^^
انشالله تحصليين مراادج
أنا عندي نفس البروووبلم
إذا لقيتي حل بشريني فديتج