السلام عليكم خواتي
انا عقب ما ولدت يتني علبة رهش بعد اسبوع من ولادتي وبديت اكل منها لأني سمعت عن فايدتها للحليب وادراره وعيبتني واااايد بنوتي قامت تشبع وما اعاني من قلة حليب بس عقب ما خلصت العلبة رديت اعاني من الحليب وحاستنه خااااف وايد انا اللي محتاجتنه اني اعرف وين يبيعونه لو فيه مكان قريب من عجمان او الشارجة لأنه هو الوحيد اللي لاحظت عليه زيادة بالحليب حتى الحلبة ما زادتلي اياه مثل الرهش يعني ريحة حلبة وياليت فيه زيادة بالحليب عشان تشي ادوره وما عارفة من وين اييبه خليت ريلي يدور بس ما محصل ممكن حد يخبرني عن محل جريب عليه بلييييييييييز بنات
تحصلينه بالمحامص ومحلات الحلويات ..اعتقد بتحصلينه بمحمصة الاطلال .. انا قبل كنت اخذ بس مب متذكرة من اي محمصة بالضبط
موجود في السوبرماركت الغلا
محمصة اسطنبول اشكال وانواع وبعد في القرية التركية والعراقية ^^
صج كلامج اختي الرهش يدر الحليب
انا بدلج على مكان في الشارجه يعني جريب منج
افاميا الشام……دوم ناخذ من عندهم وايد حلو بس خليه يسويلج فريش
مايعطيج جديم
ولاتنسي ادعيلي الله يهدي عيالي ويسخر لي ريلي
محمصة الصيداوي إللي في عيمان مجابل مركز حمدان تخصص رهش و هو وايد زين كلنا نستخدمه عشان إدرار الحليب
بس ديري بالج ترا الرهش يمتن مب تنتفخين ^_*