سلام عليكم
بنات انا اعاني من ظهور الشعر تحت الجلد على شكل حبوب في الساقين واحمرار وحساسيه في. بعض الاماكن خاصة الذراعين
المشكله تزيد بعد ما اشل بالحلاوه او المكينه
وحتى لو مااشل تظهر لي ! 
والله مشوه بشرتي حيل كل حد يشوفني يقول شوفيها ايدج !!
رحت لكذا دكتوره جلديه مانفعني
بليز بنات الي عندها حل كريم او دوا مضمون تساعدني
والسموحه
طبعا الحلاوة انظف لج لانه يشل الجلد الميت بس قبل لا اتشليين وعقب ما اتشليين الافضل تمسحين المنطقة بالكحول وبالذات عقب م اتشليين عشان المنطقة تتنظف والشعر ما يطلع تحت الجلد … هاذي كانت نصيحة حرمة سودانية دوم اتشلي حلاوة وانا اعاني من نفس الحالة بس اتحسن الوضع عن قبل وانا بعد ادهن جسمي كامل عقب الحلاوة بزيت اللوز واخليه كم ساعه وعقب اتسبح …
ويوم يبدا الشعر يطلع اسوي سكراب في البيت .. واستخدم الليفة مع الصابونة البيضة المغربية .. اتطلع الشعر اللي تحت الجلد ..
واعتقد انه جسمج حساس ومايتحمل لازم كل يوم تتدهنين بزيت اللوز عشان يخف الاحمرار وعقب السكراب والليفة المغربية..
واتمنى اني اكون ساعدج قدر المستطاع
مشكوره اختي مريم ماقصرتي. الله يوفقج
في حالتج اهم نقطتين حطيهم في بالج
الاولى قبل ما تشلين بالحلاوه لازم تغسلين الجلد بالصابون يعني يكون جسمج نظيف عشان المسام اللي ينفتح ما تدخله الميكروبات وبالاخص المنطقه الحساسه
الثانيه بعد ما تشلين بالحلاوه على طول ادهني الجلد بالزيت لان الزيت وسط ماتعيش فيه الجراثيم والبكتيريا بالتالي بيتسكر المسام بامان
اللي تعاني من نفس المشكله لازم تفرك الجلد بالليفه وقت السبوح وعقب تدهن جسمها بكريم غني جدا مب لوشن او زيت بيكون احسن
زيت زيتون مفيد اتدهني منه
وانا دكتورة عطتني كريمين لهالمشكلة بس ما استمريت عليهم
كريم حساسية الكوم فيه كورتيزون يعني مب زين قالت استخدمه قبل ازالة الشعر بأسبوع وبعد ماتشيلين الشعر اتحطين كريم سيكابيو من بيوديرما لمدة خمس ايام
وكل شهر اتسوين هالشي لين اتروح هالحبوب
بس صراحة مليت وقلت أتم على شي طبيعي أحسن واللي هو زيت زيتون
وانصحج بعد مع الزيوت سواء اللوز او الزيتون..قبل الحلاوه بيومين شقري جسمج كامل ايطلع الشعر اللي تحت الجلد,..
ما شاء الله الاخوات ما قصرن
موفقة ان شاء الله