وينكم يا امهــــات المنتدى .. صراحه انا ام يديده .. وعندي ولد عمره 3 شهور نهاية هالشهر بيدش الرابع
حاليا قمت اعطيه فارليز في مرضعة الماي .. وشوي شوي قمت اكثرله الكميه لان فديته شربه
بس ابا اعرف بداية الشهر الرابع شوو ابتدي اعطيه و بشووووووو تنصحووووني
عادي ادخله السيريلاك ؟؟؟
و غير السيرلاك شو اقدر اعطي ولدي … !!!
انا بستفيد وغيري بيستفيد .. بانتظااااركم .^_^.
راجعي هالموضوع اختي بتحصلين فيه ملف نزليه ….
http://forum.uaewomen.net/showthread.php?t=487971
هالكتيب خذته من المستشفى وفيه شو الياهل محتاج من الولاده الى عمر سنه باذن الله ..
وكبدايه لا تعطين ولدج سريلاك الا بعد ال6 شهور..
قبلها تقدرين تعطينه ميلوبا مال بو 4 شهور … خذي له مال الرز .. اتضيفين عليه ماي وتعطينه 
الغالية لو سالتي الدكتور افضل
لاني انا سالت اكثر من دكتور وقالوا لي الافضل انج تبدين من ست اشهور تجنبا عن اي نوع من الحساسية فمنا الافضل انج اتوقفين واصبري لين ست شهور وبعدها ابدي وياه اشوي اشوي وبالمستشفى مع التطعيم بالشهر السادس يعطونج الجدول المعتمد
الافضل تترين يكمل 6 شهور..
بس لو تبين تأكلينه من الرابع..
تعطينه خضار وفواكة مهروسة..تنسلق بماي بس بدون شكر او ملح وبعدين تهرسينها وتزيدين عليها من السلق..
ودفتر التطعيم مال المستشفى مكتوب عليه حق كل عمر شو ممكن ياكل..
انا بعد ابغي اعرف .. باجر ولدي بيدخل الشهر الرابع .. والكل يقول لي .. أعطيه بس مب كل يوم:
فارليز
موز بدون الوسط الأسود
عصاير مخففه بالماي
سيريلاك بس ف اواخر الرابع
مهلبيه مخففه
روب
فا ماعرف .. شورايكم .. ؟
قالوا لي مب كل يوم .. والكميات عباره عن خاشوقة او خاشوقتين وبس ..
عسب يتعود شويه شويه عالاكل ..
انا مشتركة بخط الأمومة wayth
ونصحتني اخصائية التغذية اني ما اعطي بنتي ولاشي الحين عمرها 4 شهور وقالتلي اتريا لين ما اتكمل 6 شهور لأن امعاءهم بعدها ما اكتملت فاذا عطيتها الحين ممكن اسبب لها اضرار ، وقالت بالتطرشلي كتيب تغذية الطفل في الشهر السادس
ليج ما تشتركي بخط الأمومة بصراحة وايد زين للي نفسي ونفسج مبتدئات