سؤال عن جامعة الإمارات

بنات أنا عمانية أمي و أبوي عمانيين و مقيمة في الامارات خلصت الثانوية هاي السنة و كانت نسبتي بالتسعينات الحمد الله

فقالولي عادي بيقبلوني في جامعة الإمارات بس بدون ما انا أختار المجال هم بيعطوني ورقة فيها مجالات محددة
و أخر شهر واحد بداوم

فسؤالي هل بيعطوني ورقة فيها كل أقسام الهندسة يعني أنا أحب الهندسة المعمارية فممكن يسمحولي أدخلها و لا الهندسات العالية ما يستوي أدخلها يعني أخاف يعطوني هندسات مححدة في الورقة و تكون مب رغبتي

فللي تعرف تساعدني

و شكرا

المشاركة الأصلية كتبت بواسطة Shammani

اتصلي على رقمهم طلبيه من البداله وطلبي القبول والتسجيل وسئليهم عشان يكون عندج الخبر اليقين أحسن….

أختي اتصلت فيهم قالو لي يوم بيقبلوني هم بيعطوني الورقة و أختار و ما قالو لي شي ثاني

المشاركة الأصلية كتبت بواسطة هنادين

الغاليه دام المجال عندج محدد ومب على كيفج تختارين فماعتقد بيسمحون لج .. حاولي تسألين الجامعه اكثر

أختي سألتهم و ما قالو لي غير إن بيعطوني ورقة و أختار المجال

أتمني أكون أفدتج ..

المشاركة الأصلية كتبت بواسطة فرس وردي

مرحباا أختي..
أول شي روحي قسم القبول و التسجيل عشاان تتأكدين إذا قبلوج أو لا .. و تكملين كل أوراقج و تسوين الفحص الطبي ..
و بعدها بتكون عندج كل التخصصات مفتوحه ماعدا الطب و الآي تي مخصص بس للمواطنين .. و الهندسه ممكن يقبلون وافدين لكن لازم تكون نسبته عاااااااااااااااااااااااااااااااااااااااااليهـ .. و الشرط الثاني إنه مستواه ما يقل عن A و B فالجامعه و إلا احتمال يخلونه يحول من الهندسه لأي تخصص ثااني ..

أتمني أكون أفدتج ..

أختج .. فرس وردي =)

أختي أنا نسبتي الحمد الله 94 و وايدين قالو لي ممكن يقبلوني بس أنا خايفة من المجال أتمنى أدخل صيدلة أو هندسة معمارية