سؤال عن الهالات السوداء .ارجو المساعدة

وبحاول بإذن الله اني أفيدكم باللي أعرفه وان شاء الله يفيدكم

أهم شي خواتي انه هالمشكله ما تكون وراثية لأنها اذا كانت وراثيه صعب انها تروح

ثاني شي لازم خواتي تنظمون يومكم وأوقاتكم وتبتعدون عن السهر والضغوط اليوميه والجلوس فترات طويله أمام شاشات الكمبيوتر وخااااااااااصة بالليل لأنه يتجمع عندج السهر + وارهاق العيون من النظر لشاشة الكمبيوتر

حاولي انج تنامين بدري عشان العمليات الحيويه اللي يقوم فيها الجسم خلال نوم الانسان تستفيد منها بشرتج وصحتج على العموم ، يعني حاولي انج ما تقعدين واعيه وصاحيه عقب الساعه 11 ونص أو 12 يعني حاولي تنامين قبل هالوقت

غير جذيه داومي على شرب السوائل من عصائر وماء وشاي أخضر لأنه مب بس مفيد لهالمنطقة الا مفيد للبشرة عموما ولحركة الدورة الدموية في الجسم

حاولي النظر للمساحات الخضرا واااايد وخاصة اللي تكون لها بعد كبير لانه يقوي النظر ولا ننسى قبل هالشي كله اطالة النظر للمصحف والكعبة بيت الله سبحانه لانه يقوي النظر بعد ويريح العين

حاولي تتعودين على انعاش بشرتج بماء الورد بين فتره وفتره وخاصة بعد كل وضوء وبعد ما تقومين من النوم ويفضل انه الماي ورد يكون بارد شوي

حاولي يوميا تسوين كمادات البابونج البارده وخاصه قبل النوم او اي وقت يريحج وطريقتها ( تغلين أزهار البابونج في ماي ومن عقبها تتركينها لحد ما تبرد على راحتها وتحطينها في الثلاجه لوقت استخدامج حتى تكون باااردة جدا ومن عقب تاخذين قطع القطن المدورة وتغمسينها في منقوع البابونج وهو بارد وتعصرينها شي بسيط وتحطينها على عيونج لمدة ربع ساعه وانتي مسترخية ومب مضغوطه من اي شي سواء من عيالج او من ريلج او مكالمات ، وحاولي تردين وتغيرين الكمادة اذا دفت يعني احرصي انها تكون باردة طول الوقت ، و( حاولي الغالية في هالفتره اللي انتي حاطه فيها الكمادات ومسترخية انج تذكرين الله وتكثرين من الاستغفار حتى تحصلين على اشراقة نورانيه في ويهج مع الاشراقة التجميلية )

وأهم شي انج تبتعدين عن السهر وتنظمين وقتج ونومج

والله يعطيج العافيه ودعوااااااااااااااتكم

أختكم

night candles