السلام عليكم
عندي سؤال في بالي عن الملجة؟
في وقت الملجة الحرمة تعرف ريلها اكثر واكثر ..ونفس الشي بالنسبة للريال..
بس هل في وقت الملجة الريال دوم يروح بيت الحرمة؟ هل هالشي ظروري ؟
وحتى لو ظهروا برع ..يقدرون يظهرون روحهم ولا لازم حد يكون وياهم؟
وشو تنصحون البنت تسوي وقت الملجة …؟
المعرسات والملجات وينكم ……. ننتظر ردودكم
في وقت الملجة الحرمة تعرف ريلها اكثر واكثر ..ونفس الشي بالنسبة للريال..
بس هل في وقت الملجة الريال دوم يروح بيت الحرمة؟ هل هالشي ظروري ؟
يعتمد على العايلة نفسها .. بس الافضل انها ماتكون دووم .. يعني مرة كل اسبوع او مرتين بالكثير ..
وحتى لو ظهروا برع ..يقدرون يظهرون روحهم ولا لازم حد يكون وياهم؟
ها بعد يعتمد عالعايلتين
يعني انا اعرف بنات ما يقدرون يرمسون رياييلهم حتى بالتيلفون .. وقت الملجة
واعرف بنات عادي يرمسونهم ويطلعون وياهم بدون محرم ..
واعرف بنات يوم يطلعون لازم حد يكون وياهم
يعني يختلف من عايلة لعايلة
وشو تنصحون البنت تسوي وقت الملجة …؟
مادري ان شاء الله البنات بيفيدونج .. لان انا روحي محتاجة لهاي النصيحة ^_^
ممم عندي سؤال ثاني
اذا طولت فترة الملجة والحرمة عرفت كل شي عن ريلها ونفس الشي بالنسبة للريل ..
هل في احتمال ان الريل يمل من حرمته وقت الزواج؟ لان اولردي كل شي عرفوا عن بعض ..ما في شي يديد بيعرفونها عقب الزواج
أنا مب متزوجه بس ردا على سؤالج الثاني. هوه صح مب حلوه اتطول فترة الملجه واايد بس بعد العشره واااايد غير عن انج يوم تكلمين ريلج بالتلفون أو تجوفينه بين فترة و فترة.. في مثل يقول بما معناه… ما تعرف صديقك أو شريكك إزين لو انشاااله انتوا مع بعض سنيين إلا يوم تعيش معاه تحت سقف واحد…
والسموحه وان شاااله البنات صاحبات الخبرة يفيدونج أكثر
انا اشوفه حسب مرات مره في الاسبوع مرات مرتين
الزيارات هب ضروريه بس يعني زينه للتعارف بينهم
عن الظهره .. مانظهر ارواحنا .. هلي ويايه او اكثر الاحيان اخوي يكون ويانا .. اخر مره الكل استنذل علينا خذنا البشاكير خخخخخ
انصح كل بنت تتحذر في الملجه وتكون مستحيه و بنوته يعني هب دفاشه وسوالف لين ما تتعودون على بعض
بخصوص الملل .. بالعكس اذا كانت علاقتكم صحيح مووول ما بتحسون بالملل .. يعني مثل انتي وربيعتج تملين منها ؟؟ اكييد لا !! ترا نفس الشي مع الريل ..حتى لو عرفتي كل شي عنه بس بعدين في سوالف عن حياتكم و مواقف و جيه .. اشياء ما تخلص 
المشاركة الأصلية كتبت بواسطة مرافئ صمت 
بس هل في وقت الملجة الريال دوم يروح بيت الحرمة؟ هل هالشي ظروري ؟
يعتمد على العايلة نفسها .. بس الافضل انها ماتكون دووم .. يعني مرة كل اسبوع او مرتين بالكثير ..
وحتى لو ظهروا برع ..يقدرون يظهرون روحهم ولا لازم حد يكون وياهم؟
ها بعد يعتمد عالعايلتين
يعني انا اعرف بنات ما يقدرون يرمسون رياييلهم حتى بالتيلفون .. وقت الملجة
واعرف بنات عادي يرمسونهم ويطلعون وياهم بدون محرم ..
واعرف بنات يوم يطلعون لازم حد يكون وياهم
يعني يختلف من عايلة لعايلة
وشو تنصحون البنت تسوي وقت الملجة …؟
مادري ان شاء الله البنات بيفيدونج ..
نفس رد الاخت
