السلام عليكم ورحمة الله وبركاتة
خواتي زوجة حميي مستوية وياية مثل الزيت والماي..تكرهني كرهه العمى حتى ماتحاول اتخبي كرهها لي جدام الناس..وخصوصا اذا شافتني عند عمتي نظراتها اطالعني من راسي لين ريولي..حاولت اعرف سبب هالكره ماعرفت..بس مرة سمعت من بنت عمي انها حرمة حميي كانت في شبابها تحب زوجي وكانت تتمنى يخطبها..عاد تعرفن النصيب وخصوصا انها هي اكبر منة بخمس سنين..يعني ما اعتقد انة يا في باله انه يخطبها…المهم هذا مب صلب الموضوع..المشكلة انها قامت تتكلم علي وايد لدرجة انة الاشاعات اللي اطلعها علي زادت عن حدها..مرة تقول فلانة تكلم شباب ومرة تقول فلانة تضرب خداماتها ومرة تقول فلانة حامل وانا مب حامل اصلا والحمدلله محتشمة مب راعية هالسوالف..لا تقولن يمكن انتي ظالمتنها يمكن ماقالت ..انا عرفت من ربيعاتها اللي في الدوام انها ترمس عندهن..لدرجة وحدة قالت لي انتي شو مسوية بزوجة حميج؟؟ وايد ترمس عنج؟؟ وانا والله مقابلتنها بالزين ولين الحين ما بينت لها اني اعرف شو تقول عني لانها مشالله مستقوية وعليها لسان..وريلها دوم واقف وياها..يعني شو برمس شو بقول؟؟ حتى ريلي يقول خليها تولي سوي عمرج مادريتي باللي تقولة…بس والله نفسيتي تعبت وايد ..كل يوم اسمع حد يرمس ويقول صدق ستوا هالشي؟ اقولهم منوقال؟؟ يقولون حرمة حميج…وايد وايد تتكلم عني…لدرجة انة مرة سرت عيادة نسائية وطلعت بالباجر كلام استحي اقولة …يعني الله العالم شو بتقول عني باجر …حتى ريلها يطالعني بنظرة احتقار ويوم يشوفني عند عمتي يشل عياله ويطلع بسرعة…بعد ماعرف شو قالتله عني..ماعرف شو اسوي ويا هالانسانة…لاعت جبدي..مرات اقول حسبي الله عليها ومرات اقول برايها حرام ليش اتحسب عليها؟…اللي عندها نصيحة تقول…والله المستعان
ماشي رد؟ ..
لا حول ولا قوة الا بالله
انا قرييت هالموضووع الصبح شساالفة مكرر ولا شووه..
طنشيها الغالي ولاتعبريييينها دام اطلع سوالف واشاعات من نفسها واذا زودتها خلاص رمسيها وقوليلها كل اللي فخاطرج وشوفيها شو بتقول ..
سويلها طـآآآآآآآآآآآآآآآآآف
ولو الموضووع زاد عن اللزوم .. لا تسكتين وقفيها عند حدها
الدنيا مب فووضه تعال وارمس وحش وطلع كلام على اعراض الناس ..
الله يهديهاا يبالها كف محترم
أنا من راي الغالية تخلي ريلج يكلم أمة ويخليها تتفاهم وياهم ومب من حقها تتكلم عنج يعني أحس وايد زودتها ليش ريلج ما يكلم أخوه حاولي تخلي ريلج أولا يتفاهم ويا اخوة واذا ما نفع شوفي عمتج تكلمهم و يوقفوها عند حدها والله يهديها