ريلي يحب اخته!!!

خواتي ما اعرف اشقى ابدأ فالموضوع..اممم اول ما ملجت زارني ريلي وخواته
وكلهن اصغر عني يا بسنه او 3 المهم ريلي يعرفني عليهن ووقف عند اخته الصغيرونه
اللي عمرها 19 يعني انا اكبر عنها ب4 سنوات جان يقول هاي الغااااليه ودلوعتي جان
اضحك وخذت الموضوع عااادي لاني انا بعد دلوعه اخوي وكلمتي ما تنرد عنده ^^ المهم
مرت الايام وحاولت ان اتقرب من خواته وخاصه اخته المميزه عنده لاحظت انها واااايد دلوعه
وشايفه نفسها وواثقه وفي نفس الوقت هاديه وطيبه..في فتره الملجه حاولت ان اعرف اشياء
وااايده عن ريلي بس وهو ما طاع يخبرني بأي شي مثلا هواياته والاشياء المفضله له من اكل
والالوان يعني هالسوالف عسب اعرف طبعه بس الصراحه تعبت من كثر ما يقول ما اعرف ولا
احب هالأسئله جان احترم قراره ونسيت الموضوع..الحمدالله عرست وسكنت عندهم ف لاحظت
ان اخته تعرف كل شي عنه شو الله يضايقه واللي يحبه وكل ها بالصدف يعني ويا السوالف مع
خواته جان تقول حتى ريلج ما يحب هالشي ويحب هالشي..بس خليت عمري اني اعرف وسكت بس
من داخلي قهر فضيع يعني اشقى عرفت لو هو ما قالها..المهم انا حملت وفيني بنيه جان يقول
بسميها على اسم اختي اللي يحبها انا رفضت بحجه اني ابى اسم هب موجود في العايله فأقتنع
المهم هي الحمدالله عرست وطبعا هو كان متفرغ من دوامه عسب بس يوديها الصالون
والسوق وطبعا هي طلباتها اوامر بس والله ما قلت شي ولا حسسته بس عسب ما يقول اني اغار
واسوي مشاكل..مره كان سايرين المول جان نصادف العروس مع ريلها ماكانت متغشيه ومب حاطه شي بويهها وريلها كان راضي بس ريلي ما عيبه الموضوع من طلعنا من المول جان يتصل بها ويكلمها بكل هدوء ودلع بأنه ما يحب حد يشوف ويهها ولازم تتغشى عشان خاطره وهالكلام الحلو
والله اني مصدووومه من اسلوبه اللي عمره ما تعامل معاي جذه!!ما عقلت عالموضوع مووول..
وفي يوم كنت انظف كبته وشفت بوكس من فضول فتحته لقيت فيه اوراقه مال دوام واشيائه الخاصه ولقيت رسايل كله حب وشوق ووله انصدمت من المرسل كانت اخته يعني كلام فضييييع ما ينكتب للاخو ابد!!! وقلت فخاطري ريلي معقوله يبادرها بنفس الشعور؟؟؟؟جان اسأله وأواجه بالرسايل..فبرر موقفها انها ف سن مراهقه ومعجبه في شخصيته وشكله فعبرت عن اللي في خاطرها احسن تحبني ولا تحب حد من الشارع؟؟؟!!!!! وسألته اذا هو يسايرها قال لا بس اقرأ واضحك..كل ما اقول لريلي مشيني مكان طلعني خلينا نشم هواء يقولي مب اليوم مره ثانيه وعلى هالموال..اخته العزيزه اتزاعلت مع ريليها وردت البيت وقالت بتمت كم شهر لين تهدأ الامور مع ريلها طبعا محد تدخل ولا رمس فجأه ريلي قال لي يالله تزهبي عسب نتمشى شويه ما صدقت ولبست وركبت السياره بس هو ماتحرك قلته جيه واقف يالله نتحرك قال اتريا اختي عسب تسير ويانا!!!اوووووف غصه وطبعا الحلوه ركبت وطبع ريلي ما يحب يرمس وهو يسوق بس هالمره جنه بالع راااادو سالفه وراء سالفه مسكين يبي يغير نفسيه اخته..المهم كل ما نطلع مكان لازم هي ويانا او عالاقل يأخذ رايها كم طلعه تألجت عسب مزاجها مب اوكيه..هيه مسكينه انا ما اتضايق منها بس انقهر من حركات ريلي اللي ما لها معنى موووليه..المهم الحمدالله ردت لريلها ..سويت لريلي حفله صغنوووونه بيني وبينه في المطعم بمناسبه يوم ميلاده جان يعصب ويقول هاااي بدعه ويعني من هالرمسه وقال ما احب اعياد الميلاد ولا ذكرى زواج قلت اوكيه واذا بتسوين حفلات خليها بلا مناسبه المهم في يوم كنت بيت اهلي وكنت اتريا يمر علي جان يتأخر واتصل به قال انا الحين بمر ع محل حلويات بيب كيك لاختي وبوصلها بيتها اخته ساكنه في إماره ثانيه يعني يباله ساعتين ف درب لين يوصل انا انقهرت اوووووف وبعدين من هالاخت جان اعصب وقلت مر علي اول عقب سير بيتها..سرت وياه السياره وسألته شو مناسبه هالكيك قال اخته مسويه عيد ميلاد لريلها!!!!! ما شاءالله مسويه كيكه كبييييييييييره طبعا ريلي اللي دافع وتعنينا ووصلنا الكيك للهانم!!! في مواااقف وااايده لازم يبدي اخته اول عقب انا..وهي حاطه صور ريلي في موبايلها وع لاب وعندها صوره وهو صغير ومكبره صورته ومعلقتنها ف الحجره..يعني حركات فضيعه والكل ساكت هو حس اني متضايقه منه ومن اخته بس ما يحب يقولي بدون ما احس بديت اغير من طبعي واكون شراتها عسب يحبني ريلي..والله كم مره اشوفه يبتسم لما هي تضحك او تسولف مع حد والاحظ الحب والاهتمام في عينه وما ادري بديت اغاااار واااايد منها ما اعرف شو اسوي؟؟ كم مره ريلي يقول بدون ما يحس ان
شعرها احلى من شعري وووو اشياء وااايده مع ان والله هي هب حلوه هاك الزود بس بياضها محلنها
واااايد وملامحي احلى عنها بواااايد والكل قال بس اني حنطاويه..المهم سااااعدوني شو اسوي عسب
اشل الغيره من قلبي..بس احس انه ما يعبرني كثر اخته وسبحان الله مره سمعتها تتشكى لامها ان
ريلها يحب اخته اكثر منها قلت في خاطري الحمدالله خليها تحس شويه..بس سبحان الله استوت مشاكل
مع ريلها وتطلقت والحين هي مجابلتني 24 ساعه وطبعا ريلي قبل ما يطلع او يدخل لازم يسأل عنها
من يومين سار اشترالها لاب توب وعطاها مصروف للصالون وانا من اقوله بسير الصالون يقول لي
ليش؟ماعندي بيزات وانتي حلوه هب تسيري الصالون ومن هالرمسه اللي تغث بالواحد لا حول ولا قوه الابالله ..انصحوني يا بنات شو اسوي..مره واجته انه ما يرد اي طلب لاخته وانا اكبر طاااف جان يعصب
ويقول انتي تبالغين وااايد الحين يسوي اي شي هي تباه وما يخبرني وبعد كم يوم انصدم…ما اعرف هل
هالشي طبيعي؟؟ والا شوو؟؟؟

اسموحي اني طولت…اتمنى انكن حسيتني فيني..

ساااعدوني..