السلام عليكم ورحمه الله بركاته
في بنات يذكروني يمكن كتبت قبل فترة انه ريلي يبا يعرس علي وطبعا انهرت وصحت بس احينه اتقبلت الموضوع شوي ووعدته عقب سالفه صارت بينا اني موافقه عزواجه وحاليا هو يباني انا اخطب له وادور له بنت الحلال بس ما اتخيل شكلي اقول لهم انا يايه اخطب بنتكم لريلي
ابا افكاركن وانا راضيه تماما بزواج ريلي لانه عنده اسبابه ها مايعني انه القصور فيني
شو رايكن خواتي؟؟؟
ادبيه ودوريله جيكرى 
والله احسها صعععععععبه كيف انتي تخطبين له 
الله يسخره لج وعساه يغير رايه ويصلح مابينكم ويكون لج بس ومايفكر يتزوج لا 2ولا 3 ولا 4
اهم شي اخلاق البنت عشان تكون مثل اختك
موفقة
والله انا مستغربه كيف انتي باردة . " اكيد في شي " .
وثاني شي
الدكتورة ناعمة الهاشمي لو تعرفينها .. في مرة وحده يتها تخبرها مشكلتها ان ريلها يبا يزوج عليها وخبرها بعد
وهي انهارت وقالت كرامتي ما كرامتي وخله يزوج وتنازلت له ..
تعرفين شو ردت عليها الدكتورة
قالت انتي غلطانة ب الي سويتيه
قالت لها المفروض انج تتمسكين بريلج وما تتنازلين عنه ابدا مهما يستوي
وانتي تقولين شورايكم . احس اني احترق من داخلي بنفجر
كيف توافقين وكيف ترضين ريلج يكون لغيرج تملكة
هو يقول يباج
لكن تضمنين ان عقب مايعرفها ويحبها ان مايتعلق فيها وتملي عينه اكثر منج وينساج ويكرهج
انتي ضامنه ان هي ما تجلبه عليج ويطلقج عقب ؟
كيف تتركين ريلج بهالسهوله .؟ شو هالضعف ؟ وين ثقتج بنفسج
تمسكي فيه وقوي قلبج
وخلي عندج كرامة .. انا ماقولج ازعلي واتركيه وسيري بيت اهلج او اطلقي
انا اباج ما تتخلين عنه وتثبتين له ان لج كرامه وماترضين على عمرج وان انتي شو ناقصنج عشان يفكر يبا ثانيه ؟
هذا بدال ما تدورين حل ان ينسى هالفكرة وتخلينه ينجذب لج ..
بس فالاخير القرار عندج لان انا ماعرف بالتفصيل شو صاير بينكم ..
بس نصيحتي لج
" لا تفكرين تدورين له حرمه
ولا تفكرين تخطبين له
شلي هالفكرة من بالج ابد
وخلج انتي فحياته الاولى والاخيرة
تراج فالنهايه بتعضين اصابعج ندم وبصيحين دم
صدقيني بتتعذبين وايد وبتتعبين وبتخسرين كل شي ..
والله لو انا منج بدور وحده مب حلوه وملسونه وراعية مشاكل عسب يحرم يعرس ههههه
الله يكون فعونح ويصبرج ..
خلي ريلج يستخير قبل لا يخطب واذا خطب خليه مره ثانية يستخير
الله يعينج اختي 