السلام عليكم
بنات ساعدوني شو اسوي انا من حملت اهملت عمري ما قمت اهتم فعمري مثل قبل مع اني قبل لا احمل كنت احب اسوي خلطات لجسمي وشعري واهتم بعمري وايد ومن بديت اتوحم نسيت كل شي وصدق عايفه عمري والحين ريلي سافر اسبوعين وبرد اخر الاسبوع هذا ابا ارد شوي اهتم بعمري عشان يوم يرد يستانس بدال لا يشوفني جني مريضه ابا اصبغ شعري واغير بس اخاف عالبيبي شفت اعلان غارنييه هالصبغه مالتهم زينه ما تضر لانهم يقولون بزيت الزيتون واحسني متعايزه اسوي حلاوه لجسمي قلت بشتري شرايح فيت وبشل فالبيت بس كم علبه تكفيني لاني بشل اريولي كامله مع اديه وبطني والاماكن الحساسه بحاول شوي شوي بالحلاوه بس شو اسوي زود اباه يشوفني غير محلوه شو اسوي بعد ساعدوني
حبوبة حني ايديج حنه خفيفه وسمبل 00ومب لااازم تصبغين لان ماا فيه
صبغه مضمونه 00موفقه حبوبة والله يرده لج بالسلااامه
هلا حبووبه ..
لو تاخذين لج حلاوه واتخلين حد من خواتج ولا خوات ريلج يسوون لج حلاوه في البيت والصبغ لا تصبغين الحين ..
وسييري اتحني بس الحنه اتكون ناعمه وسمبل واستشوري شعرج وخذيلج لبس جيه نااعم او فستان واكسسوارات وخذي شي حق شعرج بعد .. وبس
ادعيلي ^^
انا عند اهلي وخواتي ما طاعن يساعدني بالحلاوه يستحن بس الله كريم
حبيبتي لاتصبغي ابد عشان البيبي ومثل ماقووولوا الخوااات تحني سمبل ولبسي جلابية سمبل مع مكب خفيف يعني كل شي خفيف
المشاركة الأصلية كتبت بواسطة adom 
انزين روحي الصالون وسوي كل شي عندهم
سوي حلاوه لين ركبج وايدينج كامله والباقي انتي سويه فالبيت ولو الشعر خفيف شقريه
وسوي تنظيف بشره وحطي كريمات او خلطات طبيعيه فالبيت لين مايرد عسب ينور ويهج
وتحني بعد مثل ماقالن الخوات حني ريلج وايدينج
ولاتصبغين ترا ابدن الصبغه مب زينه عالحامل ولاتغرج دعاياتهم وكلامهم الفاضي
قصي شعرج قصه خفيفه واستشوريه وسوي فيه حركات
وخذيلج فستان سمبل قصيير خلي ريولج وحنتج تبين
اممممم وبث
وعسب ماتعايزين كل يوم ابدي شوي شغله ليين مايخلص الاسبوع وانشالله بتلحقين وبتخلصين
والله يوفقج