رجعت للحياه بفضل الله ثم الله ثم الله ثم الدعاء

وبكل دقيقه اني عايشه لها الوقت انا عندي مشاكل بالدم وبكل مره احمل لازم اخذ ابر والحمدلله اربي على خير بقيصري وكنت في المرتين مربيه بالمفرق وهالمره استخرت ربي وقلت بربي بصقر براس الخيمه المهم كتبت لي الدكتوره على موعد العمليله تاريخ 31 – 8 يوم الاحد الصبح وطبعا دشيت المستشفى يوم السبت في الليل اول ما دشيت المستشفى يوني النيرسات عشان يسوون لي تخطيط للجنين وكانت الساعه تقريبا 12 في الليل ولللأسف شفت النيرس مبهته على نتاسج النبضات وكل شي مختبص ونبض الجنين ضعيف عاد انا فجأه سبحان الله النظر عندي ما عرف شو صار فيه ابغي اشوف ما اقدر اقول للنيرس انا ما اشوف اعتمت الدنيا بعيوني ابغي امسك التلفون اتصل لبو العيال مب قادره قلت للنيرس اتصلي على هالرقم ويلست اصارخ واصيح لريلي يلحقني واتراكضن النيرسات ويت الدكتوره وعلى طول غرفة العمليات وكل هذا والدنيا معتميه بعيوني والحمدلله خلصت وطلعت من غرفة العمليات وشفت بنوتي الله يحفظها وخذوني الغرفه العاديه فوق وشوي حسيت بعطش فظيع اقول لبو العيال ابغي ماي يقولي لا توج طالعه من البنج وانا اصارخ اقول ابغي ماي شرد عني بو العيال ييب اغراضي وفجأه ما حسيت بالدنيا اسمع بس النيرسات يصارخن علي باسمي ووصل بو العيال ويقول سريري كله دم ياني نزييييييييييف دخلوني غرفة العمليات مره ثانيه وفتحوا العمليله مره ثانيه ويلست اربع ساعات بغرفة العمليات شو اللي صار هذيك الساعات ما عرف تسمم حمل نزيف ارتفاع ضغط تكسر صفايح الدم في الجسم وكل شي الحمدلله سلمت وطلعت من غرفة العمليات الساعه 12 الظهر على طول على التنفس الصناعي الموت الحقيقي اللي حسيت فيه بكل دقيقه الدكاتره يصارخون بأذوني اهلج يتريونج اتمسكي اتشجعي والله يا بنات ما اقدر اوصف لكم كيف شعوري كنت على حافة الموت والله نجاني اشوف اهلي يدخلون لي وانا مخنوقه بجهاز التنفس ابغي اصارخ مب قادره ايمرون عيالي في بالي اللهم لك الف حمد وشكر ما صدقت عمري يوم قال الدكتور يالله اتنفسي بروحج بنشل عنج الجهاز فرحت وقلت الحمدلله بعيش
اللهم لك الف حمد وشكر ويلست بالعنايه لمدة يومين وامس طلعت بس من المستشفى صدق معاناة وبصراحه لو يرد بي الوقت كنت طلبت اجلب بيت الضنا لأني مستحيل افكر بالحمل مستحيل الله يحفظ لي عيالي ويخليهم لي ويبارك لي فيهم يارب دعواااااااااااتكم