راس البيبي مب راضي ينزل و الدكتوره تقول لازم قيصري مشورتكن خواتي

السلام عليكم خواتي

حبيبتي كيف يعني تحاول تسويلج قيصري احينه وانتي نوعدج ١٠ مارس ع شو مستعيله الدكتورة والا فيه سبب ثاني للولادة غير راس البيبي؟ اذا ع راس البيبي بس لا تسمعي لها امكن ينزل ربج اعلم وكثرررري من وضعية السجود تنزل راس البيبي وفيه تمارين خاصة تنزل راس البيبي أما اذا فيه اسباب ثانية للولادة القيصرية الموضوع يختلف . واحينه القيصري فديتج من اول يوم يخلونج تمشين بس تعب لحد أسبوعين تبدأ ترجع حركتج طبيعي بس اذا ع الرأس انصحج تتنظرين لحد موعد الولادة

وع فكرة حبيبتي انا بولدي البكر كان نازل وكانت عندي مراجعه وطلع رجع الرأس فوق وخبرتني عن التمارين وقعدت اسويهم وبعد اسبوع رجعت اعمل صورة لجيت الرأس تحت وانتي بعده بدري عليج فديتج بالأسبوع ٣٧ ان شاء الله ينزل واذا ما نزل للأسبوع ٣٩ او ٤٠ لكل حادثه حديث وربي يتمم لج ع خير

حبيبتي مب يومين اسبوع ويع وشهر كامل ماترومين اترضعين ولا تتحركين
ما عليج منها انا ولدي الثاني نفس الشي ومستشفى لطيفه قالولي عملية طلعت عنهم وسرت عند دكتورتي حركته اشوي ودخل راسه في الحوض والحمدلله ربيت طبيعي ما عليج منهم

ﻻ تستعجلين على العمليه وصلى استخاره
ووكلى امرج لله

نصحيه اختي ,شوفي دكتوره ثانيه ممكن تحرك راس البيبي وتغير وضعيته,وانتي اكثري من السجود,وضعية السجود تساعد ان راس البيبي ينزل
القيصري صعب جدااااااا
الولادة الطبيعية صعبه جدا لكن تنتهي المعاناه بمجرد انك تولدين
اما الولادة القيصرية ,تاخذين بنج ,وبعد شوي تلاقين البيبي جنبك بدون اي معاناه,اول يوم يحطولك قسطره للبول عزك الله, وممنوع تتحركين من السرير او تاكلين
ثاني يوم يشيلوها ولازم تحاولين تتحركين,اقل حركة بتحسي معها بوجع فظييييييييع صراحه,مع كثر المشي يخف الألم,وطبعا مشي بطييييئ لأنك ما تقدرين من كثر الوجع
وهالوجع يستمر لأسابيع ويمكن شهر او اكثر حسب جسمك
وفي بعض حالات ممكن تتهب الغرز

الله يقومك سالمه ويبعد عنك شر الولادة القيصرية

المستشفى اللي كنت اراجع عندهم عطوني ورقة تمرينات للحامل وكان منها تمرين لقلب الجنين المشكلة ما اتذكر التمرين بالضبط اسألي اكثر عند دكاتره لهم خبرة

ولين يوم العملية استخيري وادعي والله بيسهل عليج