مرحبا خواتي
بصراحة انا جاية الخميس دبي ان شاء الله وحابة افصل لي عباية او ثنتين للعيد
فياليت تساعدوني وتعطوني اسماء محلات تسوي عبي مميزة مع ارقامهم او حتى حريم يفصلون عبي كشخة ومميزة
بس يكونون مميزات بلييز لاتردوني
وحتى اماكن للعود والبخور لانكم ياهل الامارات مميزين في هالشي
والله يعطيكم العافية مقدما
اتمنى بنات دبي يفيدونج
اما عن العود سيري مركز الغرير في كذا محل يبيع عود حلو الطابق الثاني
يامرحبابج في الامارات وبتنور بوجودج انشالله ..
للعبي ..1- عندج عبي ام ريم عبيها حلوه واسعارها رخيصه مع ان عبيه ايبينن اغلي.
2- محل توشيه في ذا فلج .. عندهم شغلات اوكيه بس اسعارهن من 3000 وطالع.
للدخون: عندج في مركز مركاتو قريب من الدري المتحرك كشك بنفسجي عدال محل ماك يبيعون شغلات حلوه من دخون وعطور عربيه.. انصحج به
m&a abayah art في مردف
لورا في مركز بن سوقات
موزان في حمر عين
المشايخ في برجمان
الهديل ولارين في مركز وافي
بخصوص الدخون انصحج بمحل الياس فروعهم في وافي سنتر …بن بطوطه في سكشن الصين
وانفاسك دخون في ميركاتو نفس الكشك لي ارمست عنه العضوه لي قبليه
اجمل طبعا بعد معروف بدهن العود والرصاصي وعبدالصمد القرشي واحمد المغربي في مركز بن سوقات
المشاركة الأصلية كتبت بواسطة xouaexo 
اما عن العود سيري مركز الغرير في كذا محل يبيع عود حلو الطابق الثاني
تسلمين يالغالية
المشاركة الأصلية كتبت بواسطة بنت ازقرت للعبي ..1- عندج عبي ام ريم عبيها حلوه واسعارها رخيصه مع ان عبيه ايبينن اغلي.
2- محل توشيه في ذا فلج .. عندهم شغلات اوكيه بس اسعارهن من 3000 وطالع.
للدخون: عندج في مركز مركاتو قريب من الدري المتحرك كشك بنفسجي عدال محل ماك يبيعون شغلات حلوه من دخون وعطور عربيه.. انصحج به
هلا الغالية والله انها منورة باهلها الطيبين , بس ممكن طرشين لي رقم ام ريم ووممكن اعرف وين ذافلج مكانه ؟
واسعدني مرورج العطر تحياتي لج
المشاركة الأصلية كتبت بواسطة مايهمنيه! لورا في مركز بن سوقات
موزان في حمر عين
المشايخ في برجمان
الهديل ولارين في مركز وافي
بخصوص الدخون انصحج بمحل الياس فروعهم في وافي سنتر …بن بطوطه في سكشن الصين
وانفاسك دخون في ميركاتو نفس الكشك لي ارمست عنه العضوه لي قبليه
اجمل طبعا بعد معروف بدهن العود والرصاصي وعبدالصمد القرشي واحمد المغربي في مركز بن سوقات
تسلمين يالغالية على هالمعلومات والله انج ماقصرتي
لج خالص شكري وتقديري