خانقتني العبره مب عارفه شو اسوي

السلام عليكم يا خواتي
بصراحه انا خانقتني العبره من كل اللي قاعد يصير لي
اولا ريلي ما يحب لي الخير ابدا اذا عرف انه فحسابي فلوس يحاول باي طريقه يخلصهم مره يعشمني ويقولي انا خذت البيت واثثته وباقي شوي بس ما عندي خرده حاليا وانا من طيبة قلبي اعطيه بالالاف واخرتها يقولي انا عطيت البيت حق اختي وريلها وخذت عنهم الفلوس اللي خسرتها وكل مره يطلعلي علثه وانا ع نياتي اعطيه وما اقول لا واذا قلت يقولي بتذليني يعني تراني بردهم ولما يصيرون فجيبه يغط كم يوم وما يسأل عني وعن ولده وبعدين اتفاجأ فيه يايب لي إخطار حضور من المحكمه رافع علي دعوه وكل مره ع نفس الموال لين ضاقت بي الدنيا وانا اللي من سنتين قاعده فبيت ابوي ولا فكر فيوم انه يقولي باخذ لج بيت والحين يوم خذت البيت على حسابي وسكنت يقولي انا ما ادري انت ادخلين منو آخر الليل فالبيت ويسمعني شوي من الرمسه الخايسه والالفاظ السوقيه مالته
خلاص تعبت والقهر يغلط علي ويروح يشتكي فالمحكمه لين اليوم وانا بصراحه ما عدت ابيه كرهته قامت تلوع جبدي يوم اشوفه ،انا ما عاد يهمني بشي لا يسأل عني برايه بس ولده المفروض انه ينشد عنه ويشوفه بس للاسف لا حياة لمن تنادي وولدي عمره 9 شهور وربي يحفظه لي ما يعرف كيف شكل ابوه

أختي خلي أهلج يتدخلون فالموضوع لأنه بصراحه زاد عن حده .. خسي يقذف محصنه

هذا داخل على نصب .. ويوم يغط عنج كمن يوم .. لا تخلينه يدخل بيتج .. هو يدل بيت أهله وين

الله يعينج
ويهدي ريلج
وأنتي اللي عليج انج تقرين سورة البقره يوميا والاستغفار والدعاء وانتي ابروحج بتشوفينه متغير

والله مب قادره .. أطلع من الموضوع .. أحس فيني حره منه ..

دايما اليريال ايقول خل الحرمه حالها حال النعال ان ماعيبك هذا النعال فره والبس غيره ونحنا يالحريم شو انقول للريال احط …………………؟ليش لان الحرمه انسان ضعيف جدا خاصتا مع الزوج ماتعلمين يمكن ربج رايدلج هذي الحياه ويختبر صبرج ولجوئج ايكون لمن صلي وادعي دعاء السجود مستجاب واصبري وسبحان الله اذا الرب مب رايدنه لج بيخلصج منه في دقيقه ولا ثانيه بس لاتخلينه يتمادا معاج واختاري الوقت المناسب وفكري مليون مره قبل لاتخطين اي خطوه وفاتحي شخص من اهلج بموضوعج وانشاله تلكين الحل باذن الله
رياييل هذا الزمان للاسف ماينظرون للحرم ينظرون شو عندها

اعوذ بالله مب صااحي
الله يفرق بينا وبين هاي الاشكاال
الله يكون بعوونج ياارب …