السلم علييكم ورحمة الله وبركاته
شحالكم حبايب قلبي
عسى ربي يفرجها علينا وعليكم ويبعد عنا المشاكل يارب
عندي مشكله لبنت أخوي .. متزوجه وحماتها طيبه معاها لكنها اكتشفت شي عجييييييييييييييييييييب
يوم تطلع بنت اخوي من البيت لدوام عمتها تدخل ملحقها!!!!!!!! مايندرى شو تسوي … تسكت الشغالات وتهددهم اذا رمسوا ومره شقت عنها جلابيه عشان تتهم الشغالات لانها مووووووووووووووووووووول ماداني الشغالات فتبى تعق اي شي عليهم … البنت منصدمه ومستغربه … خبرت ريلها وقال ان فيها حاله نفسيه تقريبا انفصام .. الله يشفيها . وخططوا انهم يعلقون كاميرات عشان يصورونها شو تسوي داخل ….ويواجهونها بالحقيقة !!!!!
شو رايكم بالخطه اوووكي ولا ؟
استغفر الله
الله يعينها والله والمفروض تقفل ملحقها يوم تروح أي مكان هاي خصوصيه
الله المستعاان …
الله يشفي حماتها مشكله الصراحه ..بس فكرة الكيمرات ..اممممم ما ادري… انزين اذا كان ولابد انتي روحج شوفي التصوير لا تخلين ريلج يجوفه معاج ..
والله يعيينج ..
الله يهدي عمتها ويشفيها وفكرة الكيمرة حلوة
المشاركة الأصلية كتبت بواسطة نادريه 
الله يشفي حماتها مشكله الصراحه ..بس فكرة الكيمرات ..اممممم ما ادري… انزين اذا كان ولابد انتي روحج شوفي التصوير لا تخلين ريلج يجوفه معاج ..
والله يعيينج ..
أنا مأيدة الأخت بس صراحة شي فظيع
امممممممممم
ترى انتوا قلتو انه عندها انفصام في الشخصية
فليش الكيمرة
احسها مب حلوة ابد
بحق ريلها
المفروض تقترح على ريلها انهم يتساعدون بعلاجها الين تشافى
مب اتحطون كيمرات
انا عن نفسي حسيتها مثل اهانه
يعني حطي موقفج بموقف الريال شو بتحسين
اكيد بتحسيها غير
ترى مهما كان هاي عمتج
واذا على الملاحق اقفليهم
وخلاص بدل ما تصير حساسية بينكم
يعني يوم بتنظريلها انظريلها نظرة بنت تتمنى لامها الشفا .. مب نظرة ثانية
وهذا اللي عندي
واتمنى اني قدرت افيدج
سلامي لج حبوبة ^^
المشاركة الأصلية كتبت بواسطة اهلا ترى انتوا قلتو انه عندها انفصام في الشخصية
فليش الكيمرة
احسها مب حلوة ابد
بحق ريلها
المفروض تقترح على ريلها انهم يتساعدون بعلاجها الين تشافى
مب اتحطون كيمرات
انا عن نفسي حسيتها مثل اهانه
يعني حطي موقفج بموقف الريال شو بتحسين
اكيد بتحسيها غير
ترى مهما كان هاي عمتج
واذا على الملاحق اقفليهم
وخلاص بدل ما تصير حساسية بينكم
يعني يوم بتنظريلها انظريلها نظرة بنت تتمنى لامها الشفا .. مب نظرة ثانية
وهذا اللي عندي
واتمنى اني قدرت افيدج
سلامي لج حبوبة ^^
انا بعد ماحبيت سالفه الكيمرا احسها حركة مب حلوة وعيب .. خلها تقفل حجرتها وتقفل على اغراضها … وتصبر لين الله يفرجها وتظهر لبيت روحها .
وصعبة الولد يواجه امه بالكيمرا كدليل ضد امه … لا حول ولا قوة الا بالله
وخاصة يوم يقولون انها مريضة .. تحتسب الاجر من عند الله والله المستعان
والسموحه منج الغالية