السلام عليكم ورحمة الله وبركاته
خواتي
ماعرفت وين انزل موضوعي هذا .. بس لأني موووت مستغربه منه
قلت احطه هنيه عسب تشوفونه
انا حلمت اني حامل .. وباليوم الأول بعد ..
ماعرف كيف ياني هالحلم ..
وكنت أتألم في بطني وظهري ..
وكانت لوالده تقول لأخواني لا حد يأذيها هي حامل
مع العلم اني بعدي مب مزوجه ولا مخطوبه ولامحيره حق احد
وفي الحلمن ماكنت اعرف منو ريلي ..ولا اعرف شي ..
كل اللي اذكره اني كنت ميوده ظهري واتألم
اهل العلم في تفسير الأحلام يقولون:
الحمل للغير متزوجة هم .. وأعلم الله
الله يفرج هم
الله يستر من الهموووم يارب
تسلمين اختي على الرد
واذا انجبت بنت هم وماله حل واذا انجبت ولد هم وحله وياه هذا اللي سمعته والله اعلم
اختي ان شاء الله هم والله بيفرج همج
لاني سمعت من مفسر للاحلام يقول ان اهل العلم قالوا الحلم اللي يحمل هم عقبه فرج باذن الله
سبحان الله
انا بعد نفس الاخوات سمعت انه هم .. الله يفرج همومج ويبعدج عنها 