السلام عليكم ورحمة الله
الله يعطيج العافيه الغاليه ويرزقج الفردوس يا رب
انا بنت مو متزوجة عمري 21
ملتزمة بالفروض الحمدلله
حلمت اننا نحن و خالتي وولدها ومرته وبنات خالتي وجارتهم وبناتها وبنت عمة امي وبناتها وفي بعد حريم ما نعرفهم كلنا كنا رايحين مكان جذه للتنزه صوب البحر كنا قاعدين تحت النخيل ( مثل ما كنا نتجمع من زمان ) ورحت صوب سياره ولد خالتي ( سياره استيشن بيضه) واول م حطيت ريولي عشان اصعد السياره مشت السياره سرييع ونزلت انا والسياره بنفسها دعمت ياهل كان واقف يدام السياره ، ومن السياره طاح وولد خالتي الصغير ( رضيع اسمه حارب) طاح ع بطنه ع الارض وييت ركض عشان اشوفه وفنفس الوقت بنت خالتي يت ركض عشان تشوفه بس الولد كان بخير ويضحك
بعدها رحت سلمت على بنت عمة امي وحبيت راسها و سلمت ع بنتها بس اصابع بنتها البنصر والوسطى مقصوصين مو موجودين جذي
ف لما سلمت حسيت بشي ناقص وسلمت بعدها ع حريم ما اعرفهم وبعدها رحت البس نعالي شكله بس اشوي قديم وعليه زينه من الكرستال الوردي
لقيت نعال والنعال الثاني يلست ادور عليه شكثثثر ما خليت مكان م دورت فيه عليه بس م لقيت وخالتي جافتني قالت لي شو تدورين قلت لها نعالي قالت هيي، سيري غرفتي بتلقين مفتاح افتحي الخزانه وبتلقين واايد نعل البسي اي واحد تبين بس نعالج القديم ما بعطيج ولأني كنت مستعيله لقيت نعال ع قدي مسطح مزخرف باللون الوردي والبيج ولبسته وروحنا جيه كان وبس
نفس اليوم اللي حلمت فيه الحلم .. كل اللي شفتهم بالحلم دقوا علينا وكلمتهم امي الا ولد خالتي ومرته والحريم اللي م اعرفهم مع ان في اللي متخاصمه وفي اللي زعلانه وفي اللي قاطعه
تمت الموافقه
خيرا نتلقاه و شرا نتوقاه
ان صدقت الرؤيا تدل علي اجاد ضالتك او تحقق امر تتمنيه بعد صبر و عليك بالدعاء
و الاستغفار ربما تشعوري ببعض الهموم و لكن سوف تزول ان شاء الله و الرؤيا تدل ايضا
علي التواصل الذي حدث ان هناك اشخاص ممن رايتهم بالرؤيا سوف يحدث تواصل و صلاح الامور بينكم ان شاء الله و الله اعلم