السلام عليكم ورحمة الله وبركاته
اشحالكن خواتي ؟
الغاليات انا مسجله ولدي بمدرسة رأس الخيمه الحديثه وانصدمت يوم استلمت القطع لون واحد فهل القميص نفس لون البنطلون ؟؟ معقول ؟؟ اذا جذي انا مستحيل اسويله نفس الزي المذكور
ياليت تفيدوني
وحبيت أستفسر هل الاقلام وغيرها من امور نحن نشتريها والا المدرسه توفرها لان في بعض المدارس الخاصه هي توفر الاقلام وبعض الادوات
وشو هي الاشياء اللي ممكن اشتريها واجهزها لولدي قبل ما تصير الزحمه في الاسواق
وشكرا لكم
هلا اختي ..بالنسبه للزي بنطلون اللون الي عطوج ايا تركوازي اما القميص ابيض وعاد انتي فصلي على كيفج انا بعد ولدي امسجلتنه عدهم وفصلت له شورت وأفرول والقميص طبعا ابيض..اما بالنسبه للأغراض فهم بيطرشون ورقه من اول اسبوع مكتوب فيها الطلبات الي يحتاجها الطفل بالصف..انتي استعدي وخذي له شنطه مقسA4تقريبا اواكبر اشوي واللانش بكس ودبة الماي وجلاد شفاف للكتب وطوابع…واي استفسار حاضرين
هلا غناتي
فديتج القميص نشتريه جاهز ويتركب عليه الشعار والا نفصله بعد ؟؟
وبالنسبه للبنطلون في شورت وبنطلون بالرسمه اللي عاطيني اياها انتي تقصدين البنطلون الطويل هو الاوفر اول والا في تصميم ثاني ؟
وفي شي ثاني بعد عند اي خياط فصلتيه ووين مكان الخياط وهل يضبط الخياطه ؟؟
بالنسبه للنش بكس انا اتحسب الاكل يكون من المدرسه نفسها ما كنت محطيه بالي عليها
بالنسبه للجوتي ناخذه اسود رياضي صح ؟
مشكوره الغاليه على نصايحج الطيبه
جزاج الله خير على الاهتمام ^_^
نسيت اسأل ولدج اول روضه والا ثاني روضه ؟
وعند اي مدرسه مسجلتنه ؟
هلا اختي كاشووونه مثل ما قالت لج ام فطامي بس حبيت اضيف لج انه الاكل على حسب اذا انتي كنتي دافعه فلوس الاكل يعني بيكون من عندهم واذا لا بيكون من عندج طبعا وبخصوص الجودي يكون اسود ولبس الرياضه يكون التشيرت ابيض والبنطلون اسود وعلى الجنب خط ابيض وطبعا جودي الرياضه ابيض وطبعا الاقلام انتي اللي راح توفرينها واي استفسار ثاني اختي انا حاضره ……….
.
..
.
انا مسجله ولدي في هاذي المدرسه وهم قالو بيردون لي خبر عن اللبس ..
بس ما اتصلوا ولا قالولي شي ..
انتي من وين ماخذه لبسه .؟!
يعني هم اتصلوا لج ولا ..؟!
وانا اتصل بالمدرسه عسب اسألهم ومحد يرد علي ..
ياريت تردون علي بسرعه .. عسب اخلص اشياء المدرسه بسرعه .. ^^
.
..
.
انا بعد مسجله ولدي في المدرسه بس بعدهم ما اتصلو فيني
وما اعرف شو الترتيب
انا اتحسب بيعطونا اللبس جاهز ثره لازم احنا انخيط
والي عندها اي معلومه عن هالمدرسه انشاء الله اتفيدنا انا ولدي اول روضه عند ابله اميمه منو مشجله ولده عندها
مشكورين على الموضوع