اشحالكم عساكم بخير و سهاله
حريم ابا كل ووحده تبني بيتها اتحدر موضوعي و تكتب اسم المقاول و الفيلا عباره عن كم دور و سعر الفوت و التوتل اللي عطاكم اياه … عيزت وانا ادور مقاول ابا مقاول زين
بليييييييييييييز حريم اتمنى انكن تتفاعلون ويايه لو هب عالعام عادي عالخاص تنصحوني باي مقاول اسير عنده اموري واقفه والسبه الاسعار ……
الغالية عندج ( بن دلموك ) لمقاولات البناء
( أولاد المحيان ) لمقاولات البناء
( سليم ) لمقاولات البناء
( حبشان ) لمقاولات البناء
الغالية هذيل المقاولية ألي أعرفهم وعلى فكرة هذيل كلهم من الشارجة أما الامارات الثانية ما اعرف المقاولية فيهم
اختي نصيحة مني سيري دوري يوم واحد على البيوت ألي يبنونها في المنطقة الي بتبنون فيها وشوفي اللوح ألي تنحط عند كل بيت ينبنى وخذي اسم ورقم شركة المقاولات واتصلوا على كل الشركات وشوفي اسعارهم والشركة الي بتشوفين سعرها مناسب توكلي علي الله واتفقي وياهم
انا وريلي كنا جي نسوي .
والله يسهل عليكم ويسرلكم في امور بيتكم والسموحة إذا طولت عليج
الغاليه
إذا انتي من دبي
فيه عندج الشمندي
أنا ابني بيتي عنده
الصراحه
كل اللي ايدش البيت ويشوفه يمدح فيه
حتى مال الصبغ وايد استانس ويقول ماشاء الله البلاستر وايد اوكي ونظييييييف وسريييييييييييييييييييييييع
مشكوره يالغلا بتصل فيهم وبشووووووووف ان شاء الله زين ^^ ماقصرتي
وبعد وين باقي الحريم ؟؟؟
ان شاء الله فديتج باخذ شورج و بسير شوف اللوحات ما قصرتي
اتريا باقي الحريم ؟؟
في مقاول اسمه الجرافه
هو يبني حاليا في ام القيوين بس يبغي ياخذ مشارع في دبي ووايد عاطي تسهيلات في الدفع
خالي بيبني عنده كلميهم وشوفي كم بيعطونج
على فكره هو باني المشاريع اليديده اللي في ام القيوين اللي على البحر