حامل بالخامس . طلبتكم ساعدوني

خواتي شخباركن وكيف الحمل ووياكن

خواتي انا حامل (الحمدلله ) وهذا اول حمل لي
المشكلة ما اعرف متى اتجهز للبيبي (وشو من الاغراض اللي يحتاجها بالضبط)
وشو من الاشياء اللي انا احتاجها بالضبط

وعندي مشكلة ثانية …
انا انسانة ماحب الادوية .. اشتريها بس ما افتحها ولا اخذها … قبل الزواج كان دمي 11 والحين بالحمل نزل دمي واخر مره كان 9 وشوي المشكلة ماحب دوا الحديد (عندي عقده من الادوية)
حتى الكالسوم ماحابه اخذه هل في بدايل واذا ما خذته بيضرني ؟؟؟

المشكلة الثالثة ..
وزني من الحمل لحد الحين مازاد غير 3 كيلو وشوي وانا بالخامس (هل هو اوكي ولا لازم ازيد … مابي ازيد واااايد يقولون بالتاسع طبيعي راح ازيد واااايد) وانا ابي احافظ على جسمي

واخر مرة رحت لدكتورة بعياده خاصة قالت لي من تارخ اخر دورة انتي ب اسبوع 21 لكن اللي يطلع بالاشعة الاسبوع 19… وقالتيمكن من قلت الاكل الياهل طالع صغير … الحين ماعارفة وين الصح ووين الغلط … الحمدلله كل شي بالبيبي طبيعي

افيدوني خواتي …

وانا ما اقول كلي و امتني بزياده بس ع الاقل اتبعي نظام غذائي صحي لج وللجنين انا حتي الاشياء الي طول عمري ما اكلها جبرت عمري عليها او اضفتلها شي احبه عسب اتقبلها و بعض الي احبه حرمت نفسي منه لآن انا اتحكم بروح فداخلي هذا من حنان الام الطبيعي ان تبدي ولدها ع نفسها

المشاركة الأصلية كتبت بواسطة عروس

السلام عليكم اختي
احب اوضحلج انتي ام فمرحلت عطاء لازم تفكرين بالجنين وما تكونين انانيه مافي شي اسمه ما احب اجبري نفسج كلنا ما نحب الادويه بس شو بتستفيدين لو طلع الياهل ضعيف او مريض او بعد الولاده بعيد الشر طحتي لان جسمج ما يتحمل منو بيرعى الياهل وانتي ما فيج حيل لازم اول شي تاخذين فولكاسد لمنع التشوهات وحديد وكالسيوم

وانا ما اقول كلي و امتني بزياده بس ع الاقل اتبعي نظام غذائي صحي لج وللجنين انا حتي الاشياء الي طول عمري ما اكلها جبرت عمري عليها او اضفتلها شي احبه عسب اتقبلها و بعض الي احبه حرمت نفسي منه لآن انا اتحكم بروح فداخلي هذا من حنان الام الطبيعي ان تبدي ولدها ع نفسها

ولا تخافين ع جسمج حافظي بعد الولاده و الرضاعه اضعف بعد ( هذا لو ناويه ترضعين ومب خايفه ع صدرج )
و ربي يتمملج ع خير

لا ماعليج انا مفكره بالبيبي ماعرف ليش خذتي فكرة باني جاهلة او اني ما افكر بالبيبي (هذا حياتي كلها وبذات اول حمل لي … وانا الحمدلله اكل لكن بطبيعة جسمي شذا ما اتقبل الادوية بذات الحديد لانها كبسولات من اخذها ارد ارجعها غيرت النوعية بعد نفس المشكلة ما اتقبل ريحتها
وبالنسبة للرضاعة انا ما افكر بالحليب الصناعي … افكر ارضعه طبيعي سنتين كاملات حتى لو اضطريت ادخل الصناعي (في ت انا بالدوام ) لان الحليب الطبيعي ينمي ذكاء الياهل ويحميه من المغص والغازات وغيرها من المشاكل

فيه دكتوره قالت لي لاتاخذينهم بس اهتمي في اكلج وفيه دكتوره قالت لي ضروري تاخذينهم

وشاورت اميه وهي يوم كانت تحمل نفسي اتقولي هالحبوب ماتتحملهن معدتي وارجع وانا شكلي طالعه عليها فديتها