السلام عليكم حبايبي
اقدم لكم جلو كباب ايراني على طريقة المطاعم الايرانيه وبنفس الطعم
اليوم سويتها على الافطار .. وطبعا لان بعض العضوات طلبو الطريقة مني
ووعدتهم بطرحه مع الصور
ان شاءلله تعجبكم .. واكيد بتعجبكم
نبتدي باسم الله
نفرم بالاول 5 بصلات كبيره بالفرامه
ونفرم اللحم مع قليل من الشحم
نحط البصل المفروم في مصفاة ونضغط عليه حتى ينشف
ونسكب سائل البصل لان لا نحتاجه ولان اذا اضفناه على اللحم ما بيثبته على الاسياخ
نفرم اللحم مرة ثانيه حتى يصير شبه ناعم
نغسل الخضره المكونه من شدة بقدونس ونص شدة شبنت
ونفرمه بنفس اللحظه بالفرامه على اللحم
ونضيف ملعقه من بهارات مخلوطه وملعقه وربع ملح وملعقتين بكربونات الصودا
يتبع
ونخلطهم جيدا لمدة 10 دقائق ( الي يخلطهم هذا حماي هههه )
لاحظو بان الخلطه مخلوطه جيدا
ونجهز ماء حار حتى نغمس ايدينا فيه ونبتدي نسيخهم
ونضغط عليه مابين اصابعنا نفس الصوره
ونشويهم ع الفحم ونسيخ طماط وبصل ( لزوم الاكله هههه )
ونقدمه مع عيش زعفران
جربوهاا بـ تعجبكم ان شاءلله
تسلم الايادي خيتوووو شكله واااااااااو
تسلم ايديج وايد حماج شكله لذيذ
يممممممممممممممممممممم
ما شاء الله عليج تسلم ايدج صدق اكلة غاوية 0000وانا البارحة سويتها على السحور وريلي ما مصدق يقول معقولة انتي امسوية الكباب 000 انا شريت اللحم المفروم من اللحام من الجمعية وقلتلة ابغية للكفتة لان ما عندي مفرمة لحم في البيت 000
يالله .. احب هالاكلة يوووه امو ت عليها .. بس المشكلة ماشي شواية عندنا بالبيت 
شو الحل ؟ ينفع بالفرن من داخل مو جذيه ؟ ولا لا ؟