السلام عليكم ورحمة الله وبركاته
من فتره ضاع مني خاتم ذهب وشاكه ف بشكارتي بس مابينت لها مع اني سالتها اذا شافته او لا
ودورت ف حجرتها على السريع ف عندكم فتره وين اغلب بشكاير يخبون مسروقات
لاني مب عاررفه وين ادور بالضبط
خليها تسير بيت الوالده او اي احد تعرفينه لمدة كمن ساعة
وفتشي على راحتج عسب تقطعين الشك باليقين
ياما ضاعت عني اشياء
بس اقول يمكن انا فريتها بمكان او طاحت عني
لاني ما فيني اشل ذنوهم
الله يعينا بس
وديها بيت اهلج بس لاتقوليلها قبل عشان إذا كان عندها ما تأخذه معاها
يعني فجأة ولا تخلينها تدخل غرفتها قبل لا أتسير على طول ناديها وركبيها السيارة
وفتشي على راحتج
استوالي نفس هالموقف شغاب ذهب كان ضايع ودورت عليه مع انها ما تدخل بيتي ولا قسمي بس شكيت لان حجرتها بجنب قسمي وانا مرات اسير عن اعمامي و ما اقفل الباب … و سافرت بعد مشاكل وعلى طول سفروها في نفس اليوم اللي سوت فيه المشكله وكانت عمتي عندها فالحجره وهي تلم اغراضها وطلعت وهي خايفه وعقب جي دخلت الحجره الا واحصل شي يلمع فالفراش على صوب يوم خذته اثاريه شغابي انصدمت وتادبت قمت افقل كل ما اطلع وطبعا الحبيبه كسرته عشان ما يبين انه كبير وحصلت عداله بطاقة دو …. الله يعين انتبهوا يا اخواتي هذيل ما يخافون الله حافظوا على اغراضكم وعيالكم
هلا اختي اخاف الي هربتة برع البيت تراه فة منهم جذية ايسون
دوري تحت السرير وفي الكبت هي تتحراج الاحظتي فاكيد مؤمنة وحاطتنة في مكان عادي
الله يعينج عليها
دوري في ملابسها اللي في الكبت في مخابي البناطلين والقمصان وفي علب الكريمات وفي سيفون الحمام يربطونه بكيس ويدخلونه بالسيفون عند الماي … واذا كانت الكوايه في غرفتها شوفي بالخامه او الشرشف اللي تكوي عليها ..