اشحالكم فديتكم؟ عساكم بخير ^_^
عندي مشكلة صغيرونة
اللي شافوا تقرير عن غرفتي بيعرفون يمكن شو الموضوع ^_^
حجرتي حلوة و عايبتني وايد
بس ابغي اضيف عليها مثل ما يقولون لمساتي الخاصه
يعني لوحات و براويز
يعني ابا اعلقها
أحينه بتقولونلي شو المشكلة؟
المشكلة إني مابا اخرب اليدار
غرفتي القبلية كله كان فيها آثار المسامير
و مابا هالشي يتكرر ف هالغرفة.. بعدها ما كملت سنة فديتها 
لزق بو ويهين ممكن ينفع مع اللوحات الصغيرة
بس مع اللوحات الكبيرة بطيح اللوحة ع راسي و انا راقدة
فاللي عندها طريقة و تكون مضموووونة
عسب أعلق اللوحات و جيه ^_^
انا شراتج اتريا الجواب فحبيت ارفعلج الموضوع
لابد منها المسامير ،،
شي مسامير أحجام تكون بحجم صغير ما يأثر وايد فاليدار
أو إنج تكتفين بالبراويز الصغيره مني ومناك ع الكومدينات والتسريحه
وعلى اليدار خذي الاستكر اللي يكون ع شكل ورق جدران شي وايد أشكال وأرناق
ماشي غير هالحل وصدقيني بتطلع أكشخ لأنه غرفة النوم أحلى تكون بترتيب خفيف
راي لا غيــر 
حتى انا ابا احط لمسات حلوه بس كيييييييف مابا احط مسامير