اليوم بكتب عن تجربتي مع bb cream
وطبعاً صارلي 3 سنوات استخدمه
بس في البداية لازم اعرف عنه
شو هو الــ bb cream
bb هو اختصار لمادة اسمها Belmish Balm يستخدمها اطباء الجلد في معالجة الحروق الجلدية الناتجة عن عمليات الليزر .
هذي المادة عندها القدرة على تجديد الخلايا و اصلاح مشاكل البشرة،
في كوريا ، اخذوا هالمادة الطبيه و حولوها لمنتج تجميلي و سوو منها فاونديشن و كونسيلر
الخلوو فيه انه مب مثل الفاونديشن العادي لازم درجة لون مطابقة لبشرتج
اهو فيه انواع للبشرة الفاتحة – المتوسطة و الغامجة
يعني ماله ارقام و درجات
و يندمج مع لووون البشرة بسرعة
والاحلى ان بعد كل استعمال راح تلاحظين تحسن كبير في البشرة
احسن الماركات اهم
ETUDE
BRTC
SKIN79
DR. JART
THE FACE SHOP
كلهم غير متوفرين في الامارات ماعدا THE FACE SHOP
ولكن يمكن شرائهم عن طريق الانترنت
فيه مواقع وايد اتساعدج في اختيار المناسب لبشرتج ومنهم
××××
الحين دور المنتجات للي جربتها
1- Skin79 Hot Pink BB cream
هو المفضل عندي
صارلي استخدمه 3 سنوات تقريباً
مناسب للاستخدام اليومي
اختي تحبه لانه يخفف من علامات التجاعيد
2- Skin79 Super Gold BB cream
مناسب حق مكياج السهرة
اختي الثانية صاحبة البشرة جافة يعجبها
3- SKIN79 Super+ Perfection Beblesh Balm BB Cream
للاسف ما ناسبني
تغطيته ما عجبتني
4- Skinfood Gingko BB cream
حلووو وايد و الاحلي انه متوفر بالامارات ^^
مناسب للبشرة العاديه وله درجتين لون
5- Missha M BB cream
له درجة لون وحدة و مب مناسب لذوي البشرة الدهنيه
——-
تسلمييييييييين حلوووه ها المعلومات…
اختي من وين خذتي الاحمر ؟؟
اورينتال برينس اللي بتايلند منزلين بعد بي بي كريم شفته في موقعهم احس حلوه بعد ها الماركه ..
ممتاز هذا الكريم لكن ولا مرة جربته واعتقد شي تاجرة توفر شرات الكريم الرصاصي
إن شاء الله بجربه قريبا 
مشكورة حبوبه عالموضوع و عرض تجربتج
جربت اللي عند skin food وايد حلو
مشكوووووووووره حبوبه وما قصرتي…وأنا أستخدم من ميشا وايد حلو بس لونه ثاني…..بس سؤال وين محل skin food??!!!!!
جربت النوع الي في ميشا و حبب ويهي
فودرته
أخاف أستخدم من ماركة ثانية تستويلي نفس المشكله
شكراً لجميع الاخوات ع التعليقات ^^
المشاركة الأصلية كتبت بواسطة حلوات الاهداب 
اختي من وين خذتي الاحمر ؟؟
اورينتال برينس اللي بتايلند منزلين بعد بي بي كريم شفته في موقعهم احس حلوه بعد ها الماركه ..
من الانترنت ،،، لان محلهم مب موجود في الامارات
المشاركة الأصلية كتبت بواسطة مرايم في فستفال ستي
ما ادري اذا موجوذ في مكان ثاني بعد
المشاركة الأصلية كتبت بواسطة بسكووته فودرته
أخاف أستخدم من ماركة ثانية تستويلي نفس المشكله
اختاري للي يناسب ويهج
للي في سكن فوود مناسب للبشرة الحساسة لان مافيه وايد كيماويات شرات ميشا