السلام عليكم ورجمة الله وبركاته
أنا عضوة جديدة بموقعكم الجميل ومنتدياتكم أرجو من الله أن نجد الفائدة سويا ومعا نفيد ونستفيد
هذه أول مشاركة لي ليس فقط في هذا المنتدى وانما في كل الانترنت وفي كافة المواقع والمنتديات كنت أقرأ وأتابع بصمت وانما هذه أول مشاركة لي بحياتي
والسبب انني البارحة أتممت الثلاثون عاما وأنا مذهولة أشعر واني عمري عشرين وانزعجت حين وجدت ان العمر يمر بسرعة وانما أهدافي قيد الانتظار ..وخاصة هدفي الأكبر هو انقاص وزني
وهنا جاءت الفكرة وهي أن أشارك في منتدى محترم كمنتداكم وأطرح فكرة معينة هي أن أقوم بمدونة خاصة أكتب فيها أفكاري وقرارتي الصغيرة التي يمكن أن تشكل فرقا للأمام .. ومن الممكن أن تشجعني بحيث احاول تحقيق أهدافي وكتابة ماذا انجزت في كل يوم كي تصيبنا الحماسة ..
والان واسفه جدا على الاطالة ما هي ارائكم بأن نقوم بمدونة نكتب بها ماذا قررنا أن نفعل ونسجله في المنتدى ونتابع أمور بعضنا ونكتب بمصداقية وشجاعة ونشجع بعض وفي حال وقع تقصير نحاول تشجيع بعضناا… أنا بالنسبة لي أعيش في الغربة هنا في الامارات بعيدة عن أهلي واحتاج للدعم المعنوي من أناس قد تتشاطر معي همي لعلكم تكونون انتم أهلي والاخوات اللواتي لم تلدهم امي ..
أرجوكم أرجوكم أن تردو علي وتعطوني أرائكم والتعديلات ومقترحاتكم وما رأيكم بالفكرة لعلنا في هذه المدونة نتعرف على بعض أكثر ونتشاطر يومياتنا
وشكرا سلفا وعذرا للاطالة
في إنتظارگِ عزيزتي
مشكورة علی مرورك ..
انا كنت حابي انو اقول انو نحنا موضوع الرجيمات بشكل عام اثبت فشلها علي المدي البعيد وذلك لان نحن لدينا عادات اكل خاطئة يعني عادات يومية قاتلة وان اتباع نظام رجيم صح رح ننزل اول فترة ولكن للاسف العادة تغلب كلشي
ومن هنا اجتني الفكرة انو نحنا ما لازم نركض ع اسرع الرجيمات بالعكس لازم نبتدي باشياء بسيطة تقودنا للطريق الصحيح
الايام تركض طيب اذا فكرنا من هالزاوية انو اذا حابي انزل وزني 20 كيلو كيف رح اقدر … بالطريقة الي عم احكي عنها اذا نزلنا كل شهر فقط 2 كيلو هذا يعني خلال سنة حنكون نزلنا 24 كيلو وهذا شي ممتاز والنقطة المميزة انك تكوني نزلتي عمهلك ومن دون اي تعب او حرمان .والنقطة التالتة انو كل مانزلتي ابطأ رجوعك لاكتساب الوزن رح يخف
والفرق بينو وبين اي رجيم انو انتي خلال السنة رح تعملي رجيم لمدة مثلا 3 او 4 شهور حتتعبي وتوقفي ..رح ترجعي تاكلي … رح تجي بنهاية السنة ووكانك ما عملتي شي او يمكن تكون النتيجة اتعس… وهالحكي عم احكيه عن خبرة ..
بينما اذا طبقنا الي عم احكيه رح تجي نهاية السنة ونحنا خسرانين 24 كيلو او عالاقل 20 كيلو
والمميز الاكبر انو من غير تعب ومن غير توقف لان رح تاخديه نمط للحيياة
ارجوكم شجعوني لابتدي انزل الافكار الي براسي من بعد معاناة من سلسلة من الفشل والنجاح بالرجيم فأنا رح اكتب تباعا شو هيي الشغلات الي رح نعملها بالتدريج وما رح تاخد معنا شي يعني ما رح نقول انو بدنا نعمل رجيم وانما رح نتبني عادات غذائية وحياتية جديدة
ارجو ان تتابعوني لنشعر بالدعم
من المتابعات علشان يمكن من هالمعلومات أفيد غيري
مساء الخير
الان أنا رح أبتدي ان شاء الله في بداية جديدة معكم وحتى ولو ما عم لاقي ردود ولكن ممكن اخت من الخوات تشوف الموضوع وممكن تستفيد ولو بكلمة و رح ضل اكتب
خطتي هيي كالاتي اذا عزيزتي القارئة تابعتي معي أول بأول رح نتوصل لشي حلو وجميل وبأقل جهد يذكر
أما مشان الخطة حأكتب كل يوم ولو شوي لحتى أخبركم شو يصير معي وشو عم اعمل لتكوين عادات صحية جديدة
وأنا هون رح نزل كل شي في بالي ومفيد بخصوص اعتماد هي العادات
أول شغلة بدي طمن بالك ما في رجيم وما في حرمان
فيي قلك انو فيكي تاكلي ما تريدين من الاكل مبدئيا بس هلق رح ننزل عادة جديدة بحياتنا وهيي أولا نشرب مي … والكل بيعرف قديش الماء مفيد … مبدئيا اختي ناكل بس لازم فقط باليوم نحقق هالهدف مبدئيا شرب 6 كاسات ماء وطبعا مو بعد تناول الطعام قبل الطعام وبين الوجبات
يعني الخلاصة الي رح قلك ياها اليوم شرب الماء والكثير من الماء في حال صابك جوع اشربي ماء قبل وشوفي هل بعدك جوعانة أو لا … طبعا اذا كنتي جائعة كلي بس الاهم انو تشرب الماء وبكثرة .. احيانا نشرب مياه غازية لان مثلا نشعر بالعطش او مثلا كانت تصيبني احيان انو بالليل قوم عطشانة افتح البراد شوف مثلا عنب او فواكه فصير اكل منن بسبب انو انا عطشانة .. فالفكرة بس تشعري بالعطش لا تلجأي لي من العصائر المحلاة او الغازية او الفاكهه أهم شي نشرب مي ومن بعدها اذا حبيتي تشربي ماء غازية مثلا اشربي بس انا متأكدة بدل ما تشري كل العلبة يمكن تشربي القليل منها
لأن انا جربتها كنت احيان استيقظ من النوم بدي أكل عنقود عنب كامل لان عطشانة ومشتهيتو بالشوب فكنت قبل فورا اشرب مي واشرب بعد ما خلص اتطلع بلاقي انو خفت شهيتي الو كثير ويمكن اذا بدي اكل بكتفي بكم حبة بدل العنقود كلوو
هاد الي رح احكيه اليوم وبكرة منكمل
عم طول بالشرح بس مشان لامس حياتنا الواقعية ونبلش بالتغيير
أختكم يارا
الرجيم يباله إرادة مب فريق بس