السلااام عليكم بنااات شحالكن
والله اني ضااااااايقه وايد وما اعرف شو اسوي
انا الحين كملت 11 يوم وست الحسن ما شرفت
انا معرسة من سنتين وللحين ماحملت والحمدلله على كل حال
الدورة الحمدالله عندي منتظمه واذا واذا تأخرت حدها 6 ايام حدها مستحيل تزيد ونادر بعد تتأخر
ها الشهر سرت عند مسيحة وخذيت تحاميل واعشاب
تأخرت الدورة يومين وسويت تحليل منزلي طلع سالب وسرت المستشفى طلع سالب بس قالت الدكتورة طلع شوي هرمون حمل بس ضعييف يعني واحد بوينت شي واذا ما ارتفع ماشي حمل
اترييت الين كملت 10 ايام وسويت تحليل بول طلع سالب قلت يمكن مايبين فالبول سويت تحليل دم وكلي متفائلة اني حامل خلاص اول مره تتأخر علي جيه وانصدمت قالولي ماشي حمل ورد هرمووون الحمل صفر هني عاد تحطمت
الحمدالله على كل حال بس هالدوره الخايسه ليش متأخره هالقد
ابا اعرف حد صارلها مثلي وطلعت حامل
ممكن فحص الدم يغلط
انا الي اعرفه انه مضبوووط ومستحيل يغلط
دخيلكن بنات ردن عليه والله اني ضاااايقه وماعرف شو اسوي
عليكم السلام
حبيبتي لا تحاتين ترا الحيانا حالتج النفسية يكون لها دور انا بعد نفس الشي تاخر الحمل عندي سنتين بس الحمدلله بعدين الله رزقني فلا تتضايقين و اتوكلي على الله عسى ان تكره شي وهو خيرا لكم
ان شاءالله ترزقين بذرية صالحة
مشكوووره يالمزيونة واله يسمع منج
ان شاء الله عيون القصيد … والله ما أقدر أفيدج .. بس فحص الدم نادراً ما يخطيء
وبعدين الفحص الأول كان امبين شيء بسيط .. وفي احتمال للغلط ..
وفي الأخير لا تضايقين عمرج وإذا الله كاتب لج بتحملين ان شاء الله ..
وشعورج مقدرتنه
انا اتاخرت علي الدوره شهرين لاني كنت مسويه عمليه اطفال انابيب ورحت العياده وقالولي السبب من العلاج لخبط الهرمونات عندي وعطتني حبوب عشان اتنزلها بس ما استخدمتها والحمدلله نزلت بس وايد تعبت منها لو شفتي بطني كيف انتفخ جني حامل والكل يقولي يمكن حامل بس ما صار شي الحمدلله على كل حال
المشاركة الأصلية كتبت بواسطة العيناويه3 
مشكورة يالعيناوية على الرد والله افكر اني اسوي انابيب بس ممكن تخبريني ويين سويتيها وكم كلفتج
المشاركة الأصلية كتبت بواسطة nano1984 وبعدين الفحص الأول كان امبين شيء بسيط .. وفي احتمال للغلط ..
وفي الأخير لا تضايقين عمرج وإذا الله كاتب لج بتحملين ان شاء الله ..
وشعورج مقدرتنه
مشكوره والله nano1984واقدر مشاعرج
تعرفين الكل يالس يحسب دورتي عمتي وامي وخوات ريلي الكل متوقع اني حامل والله ماعرف شو بقولهم
الحمدالله على كل حال