بنــــــات الحقوني بسرعــه هني ابا مساعده مستعيله .

ما بطول لاني مستعيله ومختبصه..

مشكلتي ما ادش المطبخ وايد بس قلت بجرب كيكه الشوكولاته بالنوتيلا..

واحينه اختبصبت…

سحابة جفا كاتبه هالموضوع..

هاي الطريقه ..

4 قشطة
كيكة كاكاو العلالي الجاهز الأسود
1 نوتيلا وسط

الطريقة:
تطبخين الكيكة العلالي
لين ما تجهز الكيكة خلطي 4 قشطة مع نوتيلا بالملعقة لين ما يصير لونها كاكاو وحطيها بالثلاجة شوي
وبعد ما تخلص الكيكة تنتظرين شوي عشان تدفأ الكيكة وبعدين تفتتين الكيكة كلها وتيبين صحن بايركس وتحطين نص اللي فتتيه بالبايركس وتضغطين عليه!
وتصبين الخلطة فوقه
لا تصبينه كله شوي وبحركة دائرية للباريكس عشان تحركين الخلطة ويغطي على كل الكيكة … بس مب تيبين ملعقه وتحاولين تساوين لا لا لا
بعدين تيبين باقي الكيك المفتت وتحطينه فوقه كله وتضغطين بايدك خفيف لين ما يتغطا كله وتجيبين الخلطة وتصبينه فوق الكيك وطبعا بالحركة الدائرية تحركين الصحن عشان الخلطة تتحرك وتغطي باقي الكيك وتزين بجوز الهند
تحطينه بالثلاجة لمدة 4 ساعات

فهمتها كلها الا شي واحد…كيف اطبخ الكيكه يعني شو احط وياها؟؟؟

ابا جواب سريع لاني متوهقه فالمطبخ؟؟؟؟

الله يعينج مدامج يالسه عينج على المطبخ وعينج على النت

بس اللي اعرفه انه الكيك الجاهز يكتبون عليه الطريقه يعني كيف اتسوينه

وان شاءالله تظهر اوكي

مشكله اللي ما يعرفون يطبخون ..اسهل سويت واختبصت فيه لو اسوي معجنات بجلب المطبخ فوق,,تحــت

يوم طبخت الكيكه وخلصت خليتها شوي مثل ما قالت الاخت سحابه جفا بس عقب يوم رديت لقيتها وااايد تلصق يعني ما طلعت ما مثل ماسوتها الاخت سحابة جفا..
شو السبب انها كانت تلصق وايد ما طلعت مفتته شرات ما سوتها؟؟؟

بس الشكل النهائي كان مقبول((ع قولتهم من بره هالله هالله .. ومن داخل يعلــم الله))