انا طالبة متخرجه احين من الثانويه العامه ومحتاره وين احدر
معني مسجله تقنيه بوظبي بس مش مرتاحه لان محد يمدحها ويقولون عندهم الطرد ببيزه
وجامعة زايــــــد اخس وبعدين جامعة زايد كراف وخمس سنين اذا ماكان اكثر
وبعد انا هب مال كراااف
فما عرف شسوي
فديتكم خواتي ياليت تفيدوني بتجاربكم وطلاب التقنيه وزايد اهم شي يحطولنا تجاربهم
هلا حبيبتي
انا طالبة تقنيه بوظبي
والله بقلج مع اني يايبه نسبه عاليه دخلت الكليه بس لاني مش مال كراف وعوار راس
المهم تبين نصيحتي انا الحين كرهت الكليه مدري ليش يمكن من البنات الي فيها
بس ماااااااااااااانصحج موليه انج تدخلين زايد لان الي يدخلها مايظهر واذا ظهر يكون مطروووووود
المهم صلي الاستخارة وربج بيقدر الي فيها الخير انشالله والكليه الصراحه بالحظ
يعني الحظ يلعب دووووووووووووووور
تعـــالي درسي في دبي
ولا تعالي جاامعه الشارجه اذا اهلج يخلونج 
انا افضل دراسة التقنيه عن الجامعه لوووووووووعه لوووووووعه والبنات ينطردن مناك وايين عندنا الكليه ونصهن بنات جامعه
نظام الكليه نفس نظام المدارس هم يحطولج الجدول وكل شي جاهز والطرد ماتنطردين على اتفه الاسباب الا اذا رسبتي في مواد وعلى حسب اذا انتي ديبلوما او هاير ديبلوما مثلا اذا ديبلوما على ماعتقد اذا رسبتي يطردونج او يعطونج فرصه ماعندي فكره انا هاير ديبولما لو ارسب في ماده اعيدها السنه اليايه هالي مب حلو لكن ماتنطردين واذا عدتيها ورسبتي بعد تنزلين ديبلوما والديبلوما سهل واااااااااااايد
وانا من العين بس حبيت اعطيج فكره
الغاليه اذا تبين تعيشين في ضغط نفسي ادخلي التقنيه
اذا تبين ترفعين ضغطج كل يوم ادخلي التقنيه
اذا تبين تموتين ببطئ ادخلي التقنيه
انا ما بقولج لا تدخلينها بس لو تبييين تحولين حياتج لكابوس التقنيه سعيده بانها توفرج هالخدمه مجاناً
حبوبة في البداية بقولج استخيري
انا دخلت الجامعة لوووووعة
سنة وما تحملت عشت بدوامة ضغط نفسي
وكل يوم صياح وتعب ودراستهم صايرة زفتة
بتكرهين نفسج والبنات اخ اخ عليهم
فكري عدل وصلي ولا تسمعين كلام احد وستخيري
وشوفي ربي وش كاتب لج
ربي يوفقج
فزايد كراف كراف ودراستهم اقوى عن التقنية
والتقنية يمكن اسهل شوي بس حاسبي الغيااااااااب
انا درست في زايد سنتين ووقفت بسبب الزواج
والحين قدمت على التقنية بس لأن ساعات الدوام فالتقنية احسن لي بس لين 2
وزايد لين 4 او 5
وبالنسبة لي التقنية احسن عشان الدوام بس
وحرام ما اكمل دراستي لأن نسبتي كامنت زينه وايد وقلت بكمل ان شاء الله
بس ادعووولي ان شاء الله يقبولوني