السلام عليكم ورحمة الله وبركاته
بنااااات ..
سؤال يعني , ما تحسون ان الشهايد (الفصل الثالث) ملعووووب فيها واااااااااايد
بذات بنات صف عاشر !!!!! 
والله جد قهرررررررررررررر 
انا هذا الموضوع كنت ابا اكتبه امس بس ما قدرت 
المهم عطوني رايكم لان والله جد مقهوووورة من نسبتي وانا مستحييييل ايب النسبة هذي
والمشكلة مب انا بس الي مصدوومة من نسبتي !!
كل إربيعاتي مصدووووماااااات 
مساء الورد
كيف حبيبتي ملعوب فيها ؟ عندكم امتحانات وتقييم مستمر يتضمن تكليفات منها تقارير وبحوث ، كيف ممكن ينلعب في النتيجة ؟ وعلى فكرة حبيبتي من صالح المدرسة إن أغلب طالباتها يحصلن على نسب عالية لأن هذاه النتيجة ؤإيد تساعد المدرسة إذا زارها الاعتماد الأكاديمي حتى يقيمها ، فما اعتقد في مدرسة بتنزل نسب طالباتها ، شدي حيلج حبيبتي العام القادم وبالتوفيق
السلااااام عليكم ورحمة الله وبركاته ..
الحمدالله يا رب بخير وانتِ ؟
أحترم الكلام الي قلتيه .. بس مثل ما يقولون نحن حالة خاصة لان الفصل الثالث غيروا 4 مدرسات من الي كانوا يدرسونا !!!
2 كانوا حوامل .. 2 غيروهم من دون ما نعرف السبب وهذا الشي وااااااااايد واااااااااااااايد اثر على مستوى وايد بنات . والي غيروهم من المواد الاساسية مثل الفيزياء والكيمياء والعربي ورياضيات ..
والصراحة مع احترامي لمساتي اليديدات انهم ما يعرفون ابداً يشرحون إلا مس الفيزياء ما شاء الله عليها وايد شرحها حلو ويحمس لحصتها .
مس العربي ما تساعد موووووووول !! والله يهديها ما تشرح مثل الناس
والمس الرياضيات مب لهذيك الدرجة مشكلتها انها وااايد تصارخ فالحصة وما تعرف تتحكم فالبنات .
ومس الكيمياء يابولنا مس سودانية ما نفهم شي منها مب بسبب لغتها لا , بسبب ان شرحها ابداً مب لصف عاشر يعني المفروض ما تدرس صف عاشر تروح تدرس فوحده من الجامعات او الكليات.
بس رغم هذا كنت انا واربيعاتي انشد وايد حيلنا ببذات لان معلماتنا يديدات !!
وبعدين صح ..
مب انا بس الي أشتكي حتى عيال عمي , وكلنا لاحظنا ان الفصل الاول نكون مرتفعين والفصل الثاني ننزل شوي والفصل الثالث ننزل وااايد . ويوم نسأل ليش يقولون نحن ضربنا وقسمنا وما ادري شووو بعاد ( يعني حاله ) . النظام مال توزيع الدرجات ابداً مب حلو حتى انا سمعت والله اعلم ان في نسبت رسوب كبيرة فالدولة ؟؟!!!
أعرف ان تفلسفت واايد بس السموحة لاني مقهورة