السلام عليكم ورحمة الله وبركاته
بنات حبيباتي .. أنا متوتره و متضايقه و خايفه
مدري وش فيني هل لانه العرس قرب .. و اللي أحس فيه شي عادي ><
أنش من الرقاد دايم أحس بدوخه .. أحط راسي ع المخده أنام على طول حتى لو الاضاءة شغاله
دوم أحس نفسي مو معاهم .. عصبيه و على طول اصيح
ومالي خلق لشي .. و أحس نفسي متوتره بشكل غريب
العرس ما بقى عنه شي .. لارتبت أغراضي و لا كملت زهبتي و لا غسلت الملابس
و لا ترتبت في غرفتي ..
حتى مالي خلق أفتح جنط الزهبه و الله وصلن 14 جنطه ولا أدري وش فيهن ><
ولا حتى لي خلق أشوف وش فيهن ولا أرتبهن غير الاغراض اللي باكياسها ما تبطلت
مادري و الله وااااااااايد متكدره ><"
ليش حبيبتي ؟؟
انتى بتحبي زوجك ولا لاء وهل انتى سعيده بهالزواج؟؟
لازم يكون العكس لانه العروس تكون متحمسه لترتب اغراضها
وتشتري كل شي
اسالي مجربه ^_^
بالتوفيق حبيبتي
فديتج الغاليه لاتسويين جي هذي احلى ايام بحياتج لازم تدلعي وتتغلي ع اهلج خخخخخخخخخخخخخخخخخخخ عسب انتي سايره عنهم بالعكس استانسي ورتبي اغراض زهبتج وكملي الباقي وخلي حد من خواتج يحمسونج ويرتبون وياااج الله يوفقج فديتج , امممممممممم احس انج متوتره من العرس اكثررر وانج بتودرني اهلج
اختي ارقي نفسك وشغلي سورة البقرة واقريها مرة كل يوم ترا هالشي مو عادي ربي يحفضك ويتمم لك بخير
ربي يحفظج من كل شر ويبعد عنج عيون الحساد
إقري قرآن وحافظي على صلاتج حبيبتـــي,,
يمكن توتر لانه حياتج بتتغير وبتدخلين الحياة الزوجيه,,
شعور عادي حبيبتي لاتخافين ولا شي,,
الله يوفقج ان شااء الله,,
شي طبيعي ،، يصيب أغلب البنات ،،
نوع من الحزن والأكتئاب سبحان الله ،، يجوز ناتج من التوتر أو انشغال تفكيرج بالمستقبل وأهلج ،،
بس تعوذي واذكري الله ،، وخلي من حولج خواتج وربيعاتج يساعدونج في الترتيبات ،،
نفسيتج بتتغير مع الوقت كل ما كان حولج ناس ،،
فرفشي نفسج واطردي الأفكار السلبية وأمورج طيبة إن شاء الله