بنات سكن جامعة الإمارات ()

شحالكم بنوتات ^^
.؟؟؟؟؟؟؟؟؟؟؟؟؟؟؟.
امممممممممممممم ما اعرف من وين أبدأ
.. عندي فكرة و إن شاء الله تتنفذ ..
.. بنات جامعة الإمارات بذات طبعا بما اني اسكن في سكن جامعي فأشوف بعيني أشكال وأنواع من البنات ..
في منهن البوي …إلخ ..
المهمـ قبل ما اقول الفكرة بلييييييييز ماأريد هجومـ ,, انا ما ضدكم لكنـ أريد مصلحة بنات بلادي
لأنهن ما يعرفن وين مصلحتهن لو يعرفن مصلحتهن ما صارن للأدنى آسفة اذا كلامي ازعجكم ..
المهم هاي الفكرة اقترحها لبنات السكن جامعة الإمارات —–>>فكينا من الحشرة ووقولي الفكرة خخ
المهمــــــــــــــــ
الفكرة هيـ :
إن انطالب مديرة السكناتـ بأن توفرلنا شرطياتـ <<—– الشرطة لخدمة الشعبـ فنباها تخدمنا لصالحنا نحن الإماراتين الشرطة ما تقصر في البلاد لكن احنا محتايييين لشرطيات داخل السكن ،لأن السكن فيه أشكال وأنواع والبنات وايد ما شاء الله يعني الجامعة كبرها مجتمع ثاني ،،
احنا محتاييين لشرطياتـ لسكن لأن مشاكل السكن زادت من الإزعاج + ينقعوا شلق ((خخخ أضحك عليهن )) ×× اتخيلوا لو السكن احترق بسبة الشلق ×× + البويات زادن ما اعرف وين يبن يوصلن …إلخ إلي في السكن عارفه شو اقصد ..
تعرفوا الفكرة كيف ظهرتـ
؟؟
تعرفوا المدامات يركضن ورا البنات يوم يسون شارع الحبــ ,,
والبنات كلهن يترابعن وفي اوقات ينقعن شلق والمدامات يروغوهم يعني لا احترام ولا شي
والمدامات كل مرة يربعوا وراهم المدامات تعبن كل اربعا تستوي هالفوضى وكل مرة في مراوغة
والبنات ابدا ما يخافن من المدامات .. وأحس اوقات المدامات يستون باردات ..
تتوقعوا لو كان في شرطيات تتوقعوا البنات بيوصلن لهالمستوا
والشرطيات لهن مهام وايدة بينفعنا فيها ,,
وأنا اشوف السكن يوم عن يوم يدمر والبنات استون صيييييع اانا الاحظ هشي في بنات استون ملتزمات وفي صايعات وطبعا الاغلب صايعات الله المستعان قلبي يعورني علييهن
……………
بنات السكن انا فاهمة ومقدرة ظرف السكن وظغوطاته واحنا ما قلنا لا تلعبن وتسلن لكن انتن مسويات تجمعات مالها داعي (( انا اقصد شارع الحبـ)) هو ما بس فيه ازعاج (( ازعاج الامهات إلي في بطنهن ياهل + ازعاج البنات إلي وراهم دوامات يبن يرقدن + ازعاج البنات إلي عندهم مذاكرة ..إلخ)) في بنات يصورن في بنات ينقعن شلق في بنات يلبسن ملابس ((الله يستر عليهن)) …إلخ ,
تبن تلعبن وتسلن في أشياء ثانية وما نفس البقعة اتفرقن المساحة وايد عوده مثل ما تبن راحتكن غيركن يبا راحته ….
.. وفوق هذا الشخابيط على اليدران —>> بسالكم تتوقعوا هذي أم مستقبلية ..
…………………بنات كل كلامي عن السكن تراه من ملاحظاتي الشخصية ولا تضايقوا من كلامي وانا ما اقصد افضح سكن الجامعي وأصلا معروف سكناتنا قبل ما ارمس بأي كلمة بليييز ما اريد هجوم …………………..
شو رايكم بفكرتي
هل تأيدوني ولا لاء ؟؟
وكيف تبونا انطالب إذا موافقيني ..
اذا انسير عند الادارة لازم يكون عدد كبير عشان يوافقوا يعني لو اقترحت وحده انا واليدار واحد ما ينفع اذا موافقيني شو انسوي عشان انيب عدد كبير ونقنعهم .؟