بناااااات الايمو يارب الستر

خواتي ماعرف شقولكم بس

انا انسانه ولله الحمد ما اظهر من البيت وايد ولا ادرس لا بجامعه ولا تقنيه وقبل كنت كارهه هالشي

بس سبحان الله من كثر اللي اسمعه حسيت ان قعدت البيت اللي انا اكرها هاي يمكن خير لي وانا ما ادري

كل يوم ايدقولي اربيعاتي اللي بالمدارس والجامعات ويخبروني اشيا يقشعر منها البدن

والواحد يستحي ويخجل يوم يسمعها ويخجل ان هالاسيا اتصير بدولنا الاسلاميه والعربيه

كيف ما تبون الله يغضب علينا ونحن بناتنا صارن والعياذ بالله ما اقدر حتى انطق الكلمه

واخر شي سمعته امس واستغربت منها يوم ربيعتي خبرتني عن الايمو قلت لها شو هاييله بعد

قالت دشي قوقل وحطي الايمو بتطلع لج اششكالهم

اعوووووووووووووووووذ بالله من الشيطان الرجيم اشكال شيطانيه

وملابسهم كلها جماجم وعيووونهم حاطين ظل كله اسود

واللي صدمني انهم مثل عبدت الشيطان ياااااااااااارب احمينا برحمتك

ياخواتي اللي ابي اعرفه هاذي الفئه من البنات نسو ان لهم يوم ويموتون

نسو ان عادي باي لحظه يودعو الدنيا ويواجهو ربهم منو بينفعم بهاللحظه حتى الشيطان اللي يتبعوه بيتبرى منهم

نسو ان في رب فوق يراقبهم ويشوف عمايلهم

وين الوازع الديني خواتي

وييييييييييييييينه بس ويييييييييييييييييييييييييييينه والله ان قلبي يتقطع وانا اكتب لكم

خااااااايفه يجي يوم نتقلب امريكان والامريكان ينقلبو عرب

شو صار فيكم ليش الحين بالمدارس كل وحده ويا الثانيه ماعرف شو يسون بالحمام وانتو تعرفون شو اقصد

لهالدرجه مستعجلات مو قادرات تحصن نفسكن وتخافن من المولى القدير

لهالدرجه تقومن ويا ربيعاتكن تسون المنكر علن جدام خلق الله

حتى اذا دشيتن بالحمام تتحرون محد يشوفكم اذا العباد ما يشوفوكم واهلكن ما يشوفوكم في رب العبااااااااااااااااد

هو اللي يشوفكم خفتن من المديره ومن اهلكن وما خفتن من اللي خلق المديره واهلكن

والله يابنات مرات افكر اقول الحين اللي تعرس تشي هم عيالها والله

كل وحده بغت تربي عيالها احسن تربيه بس يوم يتخلطو برفقا السو بالمدارس شو بنسوي

اللي حصل بجده قطع قلوبنا كلنا ومحدكان متوقع ان يصير بجده جي بس شوفو صااااااااار

بامر الله صااااااااااااااااار

خااااااااااااااافو ربكم لا يصير هالشي فينا نحن بعد

العقاب يوم يجي على قوم يشل الزين واللي موزين

خافو من ربكم القيامه قربت ونهايتكم قربت لا تحسبون انكم بتعمرون بهالدنيا

ولا تحسبون ان مافي نهايه لكم

ولا تحاسبون انكم ما بتواجهون الله الا يا بنات بتواجهونه

بس يوم تواجهونه بتواجهونه لحالكم واتخيلو لحالكم محد جمبكن لا ابوكن ولا امهاتكن بالهليوم محد يعرف احد

كل احد يقول نفسي نفسي

بتوقفون قدام العلي القدير

وابد ما بتفرو من اعمالكن حتى ربيعاتكن اللي دشو وياكن الحمام ذيج الحزه ما بيفيدونكم ابد

ولا اللي قلدتيها يوم سوت الايمو والحيمو هذا بعد ما بتفيدج ذاك اليوم

دخيلكم بنات اي وحده تقرى موضوعي وتكون غافله ترجع اتراجع عمرها قبل لا يجي يومها

لن ما بينفعها احد ابدا ابدا ابدا

ولا احد بينفعها غير اعمالها هي اللي بتنفعها

ودام ربي خلقج باحسن صوره لا تشوهي هالصوره ودامه خلقج بنت ارظي باللي عطاج اياه ربي

في ناس مخلوقه مشوهه وحامده ربها وشاكرته

وانتي اللي ربي اعطاج النعمه تتبطري عليها

وتتمني انج تكوني ولد

او تحولين عمرج ايمو ومادري شو هاذا

راجعو نفسكم عدل وتقربو من ربكم محد بينفعكم غيره

ولا تسو ان الساعه قربت قريب قريب توبو توبو بناااااااااااااااااااات

توبو لربكم

والله يتقبل التوبه مني ومنكم

ويستر عبلادنا ويحمينا ويغفر لنا ان شاء الله

قلت لها تعوذي من الشيطان قالت انا بسوي اللي علي وبربيهم عدل

بس يوم يتخلطو ويا هالاشكال بالمدارس مو بعيده يتاثرن منهم

صدقها والله

خفو ربكم خواتي وتوبو وحمدو ربكم على النعمه

لا يغظب رب العباد علينا