السلام عليكم
اشحالكم
بنات انا مقهووره من مرة ولد خاااالتي
مقهوووره لدرجة اني مارقد الليل كله افكر بكلامها
بنات شوفوا مرة ولد خالتي من منطقه واحنا من منطقه ثانيه والمنطقه اللي هي ساكنه فيها صدق صدق مافيييها شي ابد لا محلات ولا غيره انا ما استهين فمنطقتهم انا قاعده اقولكم الصدق والصراحه عسب اتعرفون انا من شو منقهره….
ندخل فالموضوع
الله يسلمكم مرة ولد خالتي واايد خقاقه وشايفه نفسها مادري على شو … اتخيلوا قبل يومين كنا سايرين بيتهم عسب انسلم على خالتي لانها يايه من السفر وجي اقولكم تمت تتكلم عن البلدان اللي هي سافرتها وانها دايما اتسافر لبلدان اسعارها مرتفعه ومادري شو… المهم انا من القهر اللي فيني قلتلها حتى الكوييت غاليه (ترى احنا هالسنه سافرنا الكويت) انزين اقولكم تمت تسألني واتقولي كم اسعارهم تقريبا يعني قلتلها انا شفت لبس لاختي الصغيره واللبس كااان جدا بسيط وكان ب400 يعني لو فيه شي بنقول بس هو واااايد بسيط.. اقولكم تمت اطالعني بنظرات وفعيونها اتقول الحين ب400 غالي يعني جي تستهيين بالقيمه اللي قلتها وعقب قلتلها شفت بنطلون فيه لمعه بسسيطه ب1500 واحسه ما يستاهل وبعد طالعتني بنظره ع اساس انه كل هالاشياء عاديه اقولكم اشوي وطالعت بنت خالتي وقالت احس اسعارهم عاديه بس يمكن هم مب متعودين انا هنيي عصصصبت بس سوييت روحي ماسمعت احتراما لخالتي وامي .. ماكنت ابا اسوي ضرابه او شي سكت وطالعتها بنظره .. بس بناااات انا مقهوووره لدرجة اني من يومين مب راقده كله افكر بكلامها واقول شقصدها مو متعودين هي منو تتحرى نفسها .. وشو شايفتنا ان شاء الله على أي اساس اتقول مو متعودين والله يا بنااات اني مقهووره وطوول الوقت افكر بكلامها.. بلييييييييييييز قولولي شو اسوي كيف اريح بااالي..
والله ماعرف شو أقولج ،،،
بس طنشيها ،،، وحدة فاظية ،، تتحسب انه جي الناس تتطور ،،، كلامها الصراحة تافه ،،
وحده ماعندها سالفة ،، كان عندنا وحده جي من الاهل بس انا مول ماعطيها سالفه احياننا اقز منها ومن سوالفها
طاف احسن حل
عاااااااااااااااااااادي في ناس هذا اسلوبهم اتذكر ام صديقتي ( تركنا بعض والحمد لله ) كانت من هذا النوع اتذكر مره كنت في بيتهم وحسستني اني جاية من الربع الخالي الله يهدي الناس انت ماتقدرين اتغيرين في الناس هم بس قادرين يغيروا انفسهم بس يوم تفتح هاي المواضيع سايريها(خذيها على قد عقلها) تفرح خليك اعقل منها
غريبه
حبيبتي حق شووو تنقهرين……الغلا ذابحنا ومن اخر الزمان غلاء المعيشة وزوال البركة
اقصد لج ان اذا هي تقول هذي اسعار عادية اونها متعودة عل الاغلى ترا هذا بلااااء مو شي يفرح او يونس ولا تحس بانجاز لما تدفع بيزااات اشكثرها ع شي ما يسوى…قوليلها الغاليه قوليلها رب العالمين بيسألج((……….وعن ماله من اين اكتسبه وفيمـــــــــــــا انفقه)) ناس مولاقية اساسيات الحياة ولقمة عيشهم واطفال يموتون من اليووع ونااس …….الله يهديهم
عيل …احس اسعارهم عادية مب غالية !!!!!!!!انا انبطت جبدي
عادي طنشي ولا تضايجين وانا لو منج بسايرها على قد كلامها بسمعهااا وايدهااا وخلااص
يعني ها النوعيه خذيهاا على قد كلامهاا واتسايرينها واتقولين الي يفرحهاا .. وما عليج من حد دام انج واثقه من نفسج … لا اتعيرين الموضوع اهتمام وايد خليج عادي مره وفيه ناس وايد من ها النوعيه اعطي الكلام الطيب وخلاص .