السلام عليكم ورحمة الله وبركاته شحاالكم عساكم بخير اليوم بغيت احطلكم صور بثيثنا الي مدلعينه اشوي طبعا الكل يعرف البثيث اكل اماراتيه وتراثيه مشهوره ومن اسهل الاكلات الي ما تاخذ منا وقت والحلو فيها انها ادوووم بالاشهر ولا تخترب لو كلنا منها من نفس الصحن نحن متعودين على شكل البثيث كيف يكون بس حبيت اليوم احطلكم كيف نحن نسويه طبعا هذا شكل البثيث المتحضر مش مال اجدادنا خخخخخخخخخخخخخ………..
اولا راح احطلكم المقادير :
طحين اسمر (رقم 2) الكميه على حسب الرغبه
تمر منزوع النواة
سمن عربي
هيل مطحون
مكسرات مطحونه (على حسب الرغبه نقدر نكتفي بالفستق )
قوالب التشكيل الخاصه بالمعمول
الطريقة :
نحمس الطحين لحين ياخذ اللون الاحمر ونحضر صينيه كبير الحجم نكون حاطين فيها التمر وعلى طول نسكب فوقها الطحين وهو ساخن ونبدا بفركهم مع بعض لين يبدون يجانسون ثم نبداء بوضع السمن والهيل ونكمل الفرك لين نحصل على القوام المعروف للبثيثه ونقدر نحط القليل من الفستق او المكسرات المطحونه على حسب الرغبه اهنيه نحن تقريبا صارت عندنا البثيثه جاهزه بس الشي الي انا راح ازيده انه راح اشكل البثيث بقوالب المعمول عشان نحصل على حبات بثيث صغيره وحلوه وسريعة الاكل طبعا انا ماصورة مراحل الطهي لانها معروفه بس راح احطلكم الشكل النهائي واسمحولي على القصور …………….
[IMG]
[/IMG]
تسلم ايدج الصراااحه رووعه
تسلم الأيادي
فكره جميلة تسلمين
أختي اكتبي لنا القياس أحسن وتسلمين
ع البثيث
يمي يمي
حلوووو تسلميين