السلام عليكم خواتي
من زمان ما شاركت ولا نزلت موضوع فالمنتدى بس حسيت اني لازم انزل هالموضوع يمكن حد يستفيد من تجربتي و احصل دعوة حلوه بظهر الغيب
المهم يا حلوات مثلي مثل غيري كنت اعاني من جفاف بشرتي و خاصه وجهي و جربت منتجات كثيره منها الغالي والرخيص
اولاي, no7 , يوسيرين, ماكس اون وغيرهم يمكن تكون هالمنتجات فادت غيري بس انا ما سوتلي اي شي
المهم بحط لكم صورة كريم طبي اسمه cetaphil كتبه لي الدكتور والحمد لله حاليا بعد ما استخدمته 10 ايام تقريبا بشرتي نااااعمه و بدون قشور و بقع جافه و نبهني الدكتور قال ابدا ابدا ابدا لا تستعملين سكراب ولا ليفه ع وجهج
و ممكن انتوا تشتروا لانه قالي هذا كريم مرطب عادي تستخدميه 3 او 4 مرات باليوم ما يضر و ممكن تشتري و تستخدمي متى ما حبيتي
اتمنى تستفيدون من تجربتي و بالتوفيق
و نسيت اقول لكم
اني يوم كانت بشرتي جافة اشتريت يمكن 3 او 4 فاونديشن جدد و كلهم للبشره الجافه و كلها كانت ما تناسبني و يبين جفاف بشرتي و القشور
بس البارحه جربت الفاونديشن ع وجهي 
طلع يجنن خبااااال وجهي صافي ما شاء الله و ناعم
هلا والله وين هالغيبه
انا كانت بشرتي جدا جافه ومن الجفاف حتى صارت لي حساسيه ماخليت مكان ماسرت ادور حل لبشرتي وحتى الهند وبانكوك يعني ماخليت كريم ولا مرهم للحساسيه الا واستخدمته لين وصفتلي دكتورة الجلديه نفس هالكريم اللحي حاطه صورته هو الوحيد اللي نفعني وغير بشرتي واستخدمت معاه صابونته وايد تنعم وترطب البشره
مشكورة اختي ع هالمعلومه و الله ييسر لج امورج يارب
عندي سؤال انا بشرتي مختلطه هالكريم بينفعني ؟؟
و هالكريم يخلي البشره دهنيه و يشيل الجفاف ولا ؟
و عند منو سرتي من الدكاتره ؟
حبيبتي مس شوكليت و الله مشتاقه لكم و لسوالفكم بس عاد وقتي كله ويه العيال
الحمد لله والشكر
ام بدور
صح كلامج و الله ما نفعني غير هالكريم بس انا ما جربت الصابونه بس قال الدكتور لا تستخدمين غير صابون دوف بالكريم المرطب