المهر ما يكفي

شو اسوي مب عارفه كنت اتحرا مهري بيكون اكثر عن جيه بس انصدمت انا لين الحين دافعه 70الف من جيبي وما خبرت المعرس ورضيت في اشياء اقل عن مستوايه بس عشان ما اضغط عليه بس بعد ابا عرسي يكون راقي والله اكتب ودمعتي بتنزل مني ما ابا اكوون اقل عن خواتي وفي نفس الوقت انا عشت على هالمستوى واتربيت على هالشي و امي حاولت اتبين حق امه انه نحنا كيف مستوانا وهي بينت لنا انه هو بعد ما عليه قاصر بس انصدمت على نفسه ما يقصر واي شي اهله يطلبونه من صوبهم يصرف بس يوم قلت له عن الكوشه قالي وااايد وحتى التصوير رضيت بأقل عشان ما اضغط عليه انا احاتيه وما ابا اضغط عليه والله بس هو بعد لازم يراعي مشاعري وانا مب عارفه كيف اوصله هالشي كيف اقدر اغطي الباقي وانا لين الحين ما خلصت وايد امور والبجت لي عندي ما بيغطي كل شي شو الحل

كل الريايل جيه

الله يعينج حبيبتي ..

الله يوفقج حبيبتي ..

الغالية انا امعرسة من ثلاث اشهور وسويت وايد لعرسي وخسرت مخاسير الدنيا واتصدقين اني ندمانة لأن مااستفدت شي من هذا كلة المعازيم يو زطو وراحو والعرس كان حلو بس واللة مايحتاي انبذر ونلعب بالبيزات وريلج أكيد ابيعطيج وما بيقصر عليج بس الرياييل لهم منضور ثاني كلة يحسون ان هاي خرابيط مالها معنى وفعلا

مشكورين على ردودكم بس والله انا لي دفعته من جيبي على الذهب مب على خرابيط كل حد يقولي نفس كلامكم بس انا ما اشتريت الا شي بسيط بس انتوا تدرون نحنا كيف السوق عندنا وانا ما ابا اضغط عليه لانه ها البيزات بتم حقنا يعني هو امخسر على الصاله ومختار اغلى منيو و احس ضغط عمره في هالشي و يوم يت الحين انا قالي ما عندي وحاولي اقل والله يالسه احاول وادفع من المهر لين حسيت اني قصرت على عمري وما خذتلي شي … الله ايسر علينا وعلى كل عروس

عيل انا شو اقول

المواطنين جذي،، حق بنات البلاد ماعندهم ،، واذا خذو وافده يغرقونها بكل شي

والله يختي هاي معآناة الكل
الاسعاآآر نآآآر
الله يعينج ويسر امورج