هلا فيكم
ابصراحه سؤالي للمعرسات اكثر شي
ابا اعرف طريقة الاهتمام فالمنطقه الحساسه
انا وايد خايفه من ليلة العرس ومن عرفت
ان انخطبت وانا احاتي هالسالفه
بنات انا اعاني من سواد فهالمنطقه!
وترهل الشفرتين وخصوصا عقب ماشيل
بالموس الترهل ايبين اكثر
ابصراحه انا احيانا اتقزز من هالمنطقه
وهي جي ف كيف الريل :(
ابا حلول واضحه مابا خلطات لأنها لاتفيد
بشي ابدا ابدا
بنات دخيلكم ابا مشورتكم لأن صدق
بديت افكر ارفض والسبه هالشي
سبحان الله بحمده سبحان الله العظيم
اول شي مبروك
انا هب معرسه بس حبيت افيدج بالي فادني
استخدم كريم الدوكين و الدبروسالك لهالمنطقه فالليل و ارقد
و الصبح اول ما انش اغسلها و انشفها (نشفيها كل ما تغسلين )
بعدين امسحها باسكنوول و اخليه دقيقتين لين ينشف
وبعدين امسح امّا بزيت اللوز او جليسوليد =)
والحمد لله كل يوم عن يوم تبيض،، كانت سمرا و الحين بني فاتح و انا بيضا
دامج توج مخطوبه ابدي من الحين
خصصي فوطه تنشفين بها المنطقه ،، ابداااا لاااااااااااا تلبسين ملابسج و المنطقه فيها ماي!
لان الماي بيسبب رطوبه فالمنطقه + المؤخره و ريحه فالملابس و سمار فاللون
وبالتوفيق
اهم شي تهتمين بنظافتها والريحة الحلوة وتجففينها من الرطوبة
وحاولي ماتلبسين ملابس داخلية فالبيت عشان تتهوى المنطقة شوي
ولا تحاتين ، هالشي مايستاهل ان ترفضين الخاطب عشانه
لطوف مشكوره فديتج
نصايحج جدا بتفيدني
بس فديتج ماقلتيلي شو أسوي بخصوص
الترهل !! ياليت اتفيديني
أم حمدان لاتلموني ياختي
من خوفي ان ينحاش مني أقول جي
لاتحاتين هالمنطقه وايد اكثر الناس تعاني من الاسمرار شي طبيعي
حاولي تنشفين المنطقه دايما وحطي جلسريد مع زيت اللوز
اول شي حبيبتي مبروك والله يتمم لكم على خير
صراحة ذكرتيني بحالتي قبل الزواج ولا تخافين بنات وايدات مروا بنفس النفسية انتي عندج اكثر من مشكله اهم شي تنزلين وزنج امشي باستمرار وراح يخف الترهل وسوي تمارين كيجل لشد المنطقة من الداخل راح تدركين أهميتها بعد الزواج طبقي الكلام اللي قالته ام بدر ولطوف بس ممكن تزيدين على كريم الجلوسيد المعروف ليمون وشوي عسل و اتدهني قبل النوم ونامي بدون كلوت عشان تتهوى المنطقة و تتشرب الكريم وخلال اليوم امسحي بالاسكينول لان ما راح يوسخ الملابس و مثل ما قالوا البنات غسلي المنطقة بغسول نسائي ( احب سيباميد) و نشفيها عدل قبل ما تلبسين (خصصي فوطة صغيرة لهالمنطقة).
اهم شي الاستمرار لان الموضوع محتاج على الاقل شهر عشان تبدين تشوفين نتيجة
موفقة غناتي *