::☽۩☾:: الملتقى الرمضاني لسيدات الإمارات ::☽۩☾:: التجمع الأول

اشحالكن .. ربكن الا بخير

بما ان النشاط راح يقل فهالشهر .. فحبيت اني أفتح هالموضوع اللي راح نتيمع فيه ،، ونستفيد فيه من بعض فكل الامور اللي تخص هالشهر الفضيل من النشاطات والعبادات وتبادل الخبرات والنصايح اللي تفيدنا فاستغلال هالشهر أحسن هالشهر ،، الشهر المبارك اللي ما يزورنا فالسنه الا مره

ومنها فالبدايه نبارك لبعض ،، وبدوري أحب اهني الكل على قدوم الشهر الفضيل أعاده الله علينا وعليكن وعلى جميع الامه الاسلاميه بالخير .. فكل سنه وكل حول ان شاء الله

::

وراح أبدا

الصراحه ماعرف ليش ،، كل سنه أشتاق لهالشهر ،، بس ماعرف ليش هالسنه حسيت شوقي له زاااايد

والله يرحمك يا ابونا زايد ويغمد روحك الجنه باذن الله .. ويا ريت كل اللي تقرا الموضوع انها تدعيله بالرحمه

قبل رمضان بكمن اسبوع كنت أسولف ويا اختي وأقولها ماعرف ليش أول مره احس اني مشتاقه لرمضان هالكثر جد ماعرف ليش هالمره غير !

:
(
)
:

بما اني فاجازه من بداية الشهر فحبيت اني أفكر كيف أستغل هالايام وما يضيع علي أجرها

وشفت هالموضوع

http://forum.uaewomen.net/showthread.php?t=19395

عيبني وايد ويزا الله صاحبة الموضوع خير على طرحها لأنه فعلا راح يفيد وايدات

اممممم

هذا كل اللي فخاطري حاليا .. واكيد لي رجعه ،،

وفانتظار تفاعلكن فالموضوع وكيف كانت استعداداتكن ،، وشو نويتن تسون وكم ختمه باذن الله ناويات تختمن … إلخ من الامور اللي تخص هالشهر الكريم

مبروك عليكم الشهر

وتسلمين غاليتي على الموضوع

المشاركة الأصلية كتبت بواسطة MoOon Lover

السلام عليكم ورحمة الله وبركاته
مسآآ الخير شحاالكم عساكم بخيير
اهنييكـَم بهالشهَرِ الفّضيـِل والله يتقبُل صيآآمكمّ وقيآآمكُم والله يِرحمـّ ابوٍنا زآيِدّ ويغفِرلهّ
انا الصًرآحّهِ خآآطِريَ اتعلِم كم أكْلَة فـ هالشًهر وابا اخلِصّ من أغرآض المِدرسًهّ بعد ><" ومآشيَ نشآطات ثانيَهّ
تسلمّ ايدينج الغَلّا ومشَكوِوِوِوِره عالطًرحٍ…

وعليج السلام والرحمه

مساج نور وطاعه

اللهم يتقبل من الجميع يارب

ما شاء الله القسم الخاص فالمايده الرمضانيه زاخر بالاكلات اللي يمي يمي lol

دخلي هالرابط

http://forum.uaewomen.net/forumdisplay.php?f=55

وان شاء الله تلقين اللي بيعيبج من الاكلات الخفيفه والسريعه

ولا تنسين تستغلين الشهر للعباده لنها فرصه ما تتعوض خصه ان الاجر فيها يتظاعف وهي السنه مره

المشاركة الأصلية كتبت بواسطة 8نوف8

السلام عليكم ورحمة الله وبركاته

مبروك عليكم الشهر

وتسلمين غاليتي على الموضوع

وان شاء الله تجمعكم خير باذن الله

وعليج السلام والرحمه

علينا وعليكم يارب

والله يسلمج الغلا