السلام عليكم
مبارك عليكم الشهر خواتي
أنا بسوي فحص الزواج إن شاء الله
بس مووووووووول مب عارفة شسوي
وماعندي حد اسأله يفهم بهالموضوع
بنات انا خايفة وايد لاني مب عارفة شسوي بالظبط
ابا مساعدتكم خاصة اللي مسويات فحص من قريب
لأن معلوماتكم فرششش عن الموضوع
بليزز ركزوا وياي وجاوبوا ع استفساراتي كلهاااا بلييز بليز 
اول شي شوو آخذ لفحص الزواج شو الأوراق المطلوبة الحين
و أسير ويا خطيبي لازم ؟ أنا بصراحة واااااااااااااااااااايد استحي منه ومن أمه
فما اتخيل اكون وياهم وجي فحص ولوية 
الفحص بس تحليل دم و طول و وزن ؟ أبا افهم شدخل الوزن و الطول لازم الاحراج يعني 
وبعدين متى تطلع النتيجة و وقت استلام النتيجة كيف بعرف منو بيخبرني طلعت نتيجتي
والنتيجة شو مكتوب فيها ؟ يكون مكتوب فيها الوزن و الطول ؟ لا تقووولون مكتوب 
استحي يعرف وزني من الحين ههههههههه
يستوي انا استلم نتيجتي ونتيجته بداله هو ؟
و شوفوا انا اللي عرفته من بعض المواضيع إن يزقرون الزوجين
يدخلون عند الدكتور عاد اهني انا جد جد ماعرف شو
شو بيقول الدكتور ؟ وليش ندخل انا وهو ليش مب كل واحد بروحه
استحي ادخل وياه 
البنات شوو شعوركم يوم كنتوا مع ازواجككم وكلمكم الدكتور
و الدكتور شو المواضيع اللي رمس فيها في موضوع محرج والا شي ؟
وشي مهمم بدخل ويا خطيبي بروحنا ؟ والا امي وامه ويانا داخل عند الدكتور ؟
و بالأخير يا عرايس و متزوجات كل وحدة تقول تجربتها واحساسها
عشان تخففون عني شوي هالخوف و التوتر كل مخطوبة اكيد حاسة باحساسي وتبا شي يفيدها
لا تقصرووووووووووووووووووون ويانا بليز 
و اهم شي تجاربكم 
وعليكم السلام والرحمه مبارك عليج الشهر وربي يتمم لج ع خير ويسعدج
هذا الرابط فيه كل شئ
http://forum.uaewomen.net/showthread.php?t=441978
هب شرط تروحين وياه خلصي وخبريهم انج خلصتي واهو يروح او العكس هب شرط ويا بعض. وربي يتمم لكم ع خير ان شاء الله ويسعدكم يارب وادعيلي
انا وقتها سرت والتقيت فيه بالعياده مال الفحص كانت معاي أمي وأخوي طبعا يبون صور شخصيه وجواز او الهويه يخذون دم بس مب شرط تكونو مع بعض بس وقت استلام النتيجة هم يعطونكم موعد بس قالو تعالو أنتو الثنين لما سرنا نستلمها تحريت بيعطوني محاضره بس سلمت الدكتوره وقالت النتيجة اجابيه ألف مبروك وبس وقعنا وطلعنا أمي كانت وياي لما دخلت عندها عادي وما يكتبون الطول والوزن بالنتيجه بس لامانع من الزواج لانه خالين من الامراض والله يتمم لج على خير غناتي
وعليكم السلام ورحمة الله و بركاته
علينا و عليج حبيبتي
والله يتمم لج على خير
بخصوص سؤالج، الجواب يعتمد
انتي اي اماره ؟؟
ههههههه ماله داعي هالخوف انا لا شفته ولا شي لا بيوم الفحص ولا لما اخذت نتايجي
الا في حالة لا سمح الله في مرض ولا شي يستدعون الاثنين وتكلمهم الدكتوره
اهم شي انه انتي وخطيبج تسوون بنفس المركز .. وطبعا النتيجه بتطلع لكم ويا بعض مايستوي تستلمينها قبل لاهو يسوي
يعني حتى لو سويتي فحص قبل ريلج باسبوع نتايجج مابتستلمينها الا عقب هو مايسوي
بس اعيد و اكرر هو مب لاااازم يكون وياج .. عادي تكونين بروحج حتى بدون حد من اهلج وياج 
وهو لا بيشوف طولج او وزنج ولاااا شي .. الورقه فيها عن نتايج الامراض وجي
والاشياء المطلوبه اظن صورتين شخصيتين و بطاقة ثقه و الجواز او الهوية
بس
هذا في بوظبي
لا تحاتين او تتوترين انا بس كنت خايفه من سحب الدم فقط
وعلى فكره انا استلمت نتايجنا مب هو ، ماكنت اعرف تحريت بيعطونه نسخه بس المهم انه عادي يستوي انتي تستملين النتيجه او هو
ولاتنسين انه لازم العقد يكون قبل ماتمر ٣ شهور من الفحص ولا لازم يتجدد
هيه حتى أنا أذكر مب لازم تروحون مع بعض.
موووووووووووووفقة