السلام عليكم ورحمة الله وبركاته
عمتي ..واخت ريلي
خواتي هالبشر يكرهوننننننيييييي يشوفون الموت ولا يشوفوني
البارح كنا يالسين ويا حريم
وعمتي قالت :
في وحدة اخت ريلها دور لريلها عروس لانها تبغي تحر زوجته
وانا متاكدة انها ترمس عني
يكرهوني لاني جامعيه وموظفة وعلى قدر من الجمال
عكس بنتها تمام
انا واثقة من نفسي واعرف ان ما بيصيبني الا ما كتب الله لي
بس انتن حريم وتعرف الاحساس المميت
ادعولي ان ربي يكفيني شرهم
وكيف ممكن اتصرف وياهم ولا تقولون بالزين لاني زينه وخلوقة لله الحمد
مرحبا اختي.. انتي تقولين عاملتيهم بالزين بس ما نفع.. انزين ما اعرف اذا جربتي تييبين لهم هدايا مثلا بكل مناسبة او مثلا تمدحينهم جدامهم او تعزمينهم على عشا برع او طلعات مشتركة.. اعرف وصلتي لمرحلة انج تكرهينهم بس جربي هالاشيا ممكن تقربج منهم.. وسويها جدام ريلج خاصة..
وما انصحج ابد تعادينهم لانه الريال بيعق الغلط عليج مب عليهم وساعتها اذا اثبتو انج ما تعاملينهم زين جدام ريلج عادي يلعبون براسه ويستوي اللي هم يبون..
والله يعينج ما عندج حل غير انج تمثلين محبتهم
عليكم السلام ورحمة الله وبركاته
الله يحنن قلبهم يااا رب
ربي يسعدج ويخلي لج ريلج ان شاااء الله
الغاليه عامليهم مثل ما انتي تعاملينهم الحين
ووكلي امرج لرب العالمين
لــــــــــــــــيش يكرهونج مافي حد يكره حد من غير سبب واللي قلتيه
( يكرهوني لاني جامعيه وموظفة وعلى قدر من الجمال عكس بنتها تمام ) ليش بنتها اذا تبا من اليوم بتدرس وبشهادة
جامعية والوظيفة يمكن يكون نصيبها في ارقى وظيفة والجمال شوي ترتيبات وكشخة تستوي ملكة جمال
مافي شي يصعب عالواحد يسويه ومب سبب المقارنة هذه الواحد يكره شخص هذه افكار طفولية ويمكن انتي ماخذه
فكره غلط عنهم دام هذا تفكيرج انهم يكرهونج عشان اونه موظقة وجميله ما يخصه كان ماخطبوج بالبداية لولدهم
عادي أدي واجبج تجاه رب العالمين واحترميهم والله يهديهم ان شاء الله ..
اختي نصيحه لوجه الله خلج سمحه والكلام دخليه من اذن وطلعيه انتي ليش تتحسسي؟؟
حاولي تبتسمين وصفي قلبج وماله داعي تعصبين او تحرجين ما يسوى تعبين نفسيتج وصحتج بسبب كلام شله الهوا
اذا قعدتي تسمعين رمستهم وتقعدين تفكرين و تبكين ما بتحصلي غير عوار الراس والهم والانتقام والتجاعيد.. خلج فرفوشه وحبوبة و طيبه هذا الشي بيسعدج وبريحج
ابتسم ولاتمل… فابتسامتك تحول اللون الأسود لألوان الطيف المشرقة
ابتسم فابتسامتك تعني الكثير لمن يهتمون بأمرك
ابتسم ولا تمل ، فالإبتسامة تغلق أبواب الهم وتضيء مصابيح الفرح في حياتنا
ابتسم فالإبتسامة تذيب الهموم والأحزان وتوقظ السعادة من سباتها
ابتسم فابتسامتك علامة الجودة في عالمنا المتعب
ابتسم فكل الآلام لا يقرها سوى تبسمك
نعم ابتسم ولا تمل وابرز قدرتك على مواجهة هذه الحياة وصعوباتها
ابتسم في وجه المصيبة ولا تمل لأنك مؤمن والجزع ليس من سماتك والأمر كله خير لك
وأنت أقوى من أن يرى الآخرون ضعفك
ابتسم ولا تمل وكن قويا في الشدائد
كن قدوة وقت الهزيمة وابتسم
صارع أمواج اليأس وابتسم
اذا وايد مضايقينج عامليهم بسطحييه جدا خلج بعييده عنهم وما اييهم منج الا الزين
حبيبتي هالموقف الاغلبيه ينحطون فيه المشكله هم يختارون ويخطبون لولدهم بعدين يعادون مرت الولد
فاحسن شي ما عليج من الكلام اللي تسمعينه ونصيحه صفي نيتج لانه وعلى نياتكم ترزقون
وعامليهم بالاحسن ان كان جدام ريلج علشان تكبرين بعينه وتكسبينه وحتى من وراه علشان تكسبينهم
خليهم يقولون للي يبونه وحتى ببالج اذا كلمه تحسستي منها ف الله يعينج وسعي صدرج لكل شي
والله المستعان