الكشرى المصرى عالاصول بالصور بتدعولي

السلام عليكم
اليوم بشارككم وصفه الكشرى المصرى
المقادير
ربع كيلو عدس بني حبه كامله
كوب ونصف ارز بسمتي او مصرى بس بالبسمتي يظظظظبط ومافي اختلاف بالطعم
ثلاث ارباع كوب بلاليط
كيس معكرونه
وممكن المعكرونه تخلينها نصف عاديه ونصف اسباجيتي
نصف كيلو طماط +2فلفل حار +نصف راس ثوم +2ملعقه صلصه مع رشه سكر
اربع بصلات كبار مقطعين شرايح
ملح شطه كمون وخل
نصف كوب زيت
الطريقه
اولا العدس ينقع اقل شي ساعتين
بعد ذلك يصفي ويوضع في ماء نظيف مع ملح ورشه كمون ويسلق حتي 80 في الميه من السوى ويصفي
الخطوه الثانيه البصل
للحصول علي بصل مقرمش هناك طريقتين
االاولي تقصينه شرايح وترشيه بالملح وتتركيه بينزل الماي منه وفي هالحاله مجرد ما يدفي الزيت تحطين البصل وبيكون زيت غزير وتتريين لين يحمر وتطلعيه في مشخله او علي ورق نشاف
الطريقه الثانيه تقصين البصل وترشيه رشه خفيفه بالطحين ويكون الزيت ساخن جدا وتحطي البصل وتقلينه وتصفيه وبيعطيج نتيجه هايله
في الجدر اللي راح تطبخين فيه العيش بيكون قلي البصل والهدف ان طعم البصل يكون بكل الطبخه
بعد ما ترفعين البصل تحطين البلاليط وتقلبينها لين تعطيج اللون الذهبي الغامق الحلو
بتغطين الجدر نصف تغطيه وتصفين الزيت الزايد في اي شي صغير وتكملي طبخج بوضع العيش المغسول المنقوع طبعا لو كان بسمتي اما لو مصرى يغسل فقط ويشخل ويوضع ولا يترك في الهواء بعد الشخل لانه سريع التكسر
وتقلبين لين يختلط العيش مع البلاليط تحطين الملح وبعده الماي الحار طبعا اذا كان العيس مصرى بتحطين ماى بارتفاع واحد سم فقط
اما البسمتي بيزيد شوي
وتتركين الجدر مكشوف علي نار عاليه اول ما يتشرب العيش الماي تهدي النار وتضيفين العدس وتقلبيه عسب يتوزع وتغطي الجدر وتتركيه علي نار خاااافته جدا وتتممي السوا نفس العيش العادي
المعكرونه تسلق في ماء وملللح فقققط لمده تسع دقايق مو اكثر
واول ما تحطينه بالمشخله تاخدين من زيت البصل ملعقتين زيت وتقلبينها عسب تتم متناثره
اخر شي
الصلصه
تاخدين مكونات الصوص من طماط وفلفل حار وثوم وصلصه وسكر وكل المكونات بالخلاط
تسخنين جدر صغير تحطين ملعقتين من زيت البصل وبس يسخن تحطين حوالي فنجان قهوه من الصلصه وتقلبين بتشمين ريحه الثوم كانك مقليته وتقلبين لين يتغير لون الصلصه تحطين باقي الصوص وبس يغلي ويفور تحطين الملح والكمون واذا تزيدين فلفل احمر بودر
وقبل اخر غلوه بتحطين ملعقه كبيره خل وغلوه واحده وتطفين
حان وقت ترتيب الصحن تصبين العيش مع العدس وبعده المعكرونه وممكن تخلين شوي من العدس للويه وبعد الصوص واخر شي البصل
نصيحه
اذا سويتيه حق جمعه وبيتم في طبجه لوقت خلي الصوص في صحن منفصل والبصل بعد حتي لايصير لين وتخرب قرمشته
وعليكم بالعافيه
[img=http://imagizer.imageshack.com/img907/1213/WAxwPI.th.jpg]

تسلم ايدج اختي

يزاج الله خير. .

مشكورة

روووووووووووعه
تسلم الايااادي

مشكووورة