السلام عليكم اخواتي الغاليات والله العضيم اني حبتكم في الله ما شاء الله عليكم تدخلون في القلب صراحه مب مجامله
انزين بخبركم سالفتيه انا يوم كنت حامل هذي االمرة وصل وزني تقريبا 80 وطولي طبعا 156
شوفو المصيبه عاده المهم يوم ربيت وصل وزني 73 وسويت رجيم يعني خفيت الاكل وصل وزني
تقريبا 68 وبعدين واجعوني الناس قالولي كيف اتسوين رجيم وبنتج صغيره والمهم ماصدقت
مابرد قلبي جني لين ما وصلت 70و الحين وصل 75 ونزلت بعدين والحين واصل 72
ولكن محلك سر ماطايع ينزل مول عن هالوزن جان بيزيد اكيد بيزيد ولكن بينقص لا
وابغي طريقه رغم اني امشي ساعه واسوي رياضه نص ساعه واخف الاكل وما اكل عيش
وبتقولولي كم عمر بنتج الحين بقولكم سنه ونص كيف اسوي خبروني طلبتكم
والسموحهـ
انا انصحج انج اتكثرين من المااي
لان احتمال كبير انج ترضعين
و لا تاخذين شي لين ما توقفين رضاعة
و ان شاء الله توصلين للوزن اللي يرضيج
و بالتوفيق اختي
حبيبتي خفيفي من الحلويات والدهون
كلي سلطات ومشاوي
واكثري من السوائل
ان شاء الله بتخفين
بس اهم شي انج تتعشين بدري يعني مافي اكل بعد اساعه 8 وعقب العشى امشي لو نص ساعه
انا سويت جي ونزل وزني
الغالية خففي الاكل وامشي نص ساعة ولا تحرمين عمرج من الاكل
مشكورين بنات وايد على الردود وانشاء الله انشوف النتيجه
الغاليه عن تجربه ..
كلي اي شي في خاطرج عادي بس يكون من الصبح لل6 المغرب وعقبها مااشي اكل بس مااااي ورياااضه ^^
وبالتووفيج وياااارب تضعفين ..
يا رب تضعفين