السلام عليكم و رحمه الله و بركاته ..
بنات ابا اخبركم عن شي انا بنيه و عمري يعني مايتعدى ال18 !! .. بتقولون هاي شو يايبنها مم انا بقولكم يابنات انا آهنه لان انا صدق عقلي كبير و عقل كبار و اوزن الرمسه و اثمنها ! و الحمدلله الله معطني عقل عن ستين حرمه الحمدلله .. بنات انا اسمع سوالف صدق تبكيي!! بخليكم ويا السالفه
عماتي كبار .. و يدوتي . و يدوتي الثانيه .. اسمع منهن !! ( العشره )* ان جه العشره ماتهون عليهن
سمعت مره وحده من العيايز تقول انا رييلي قبل كانو يتصلوون فالبيت حريم ( بما أن مافي تلفونات نقاله بس بيت ) !! بتصلن به حريم و انا ماعرف و يقولون فلان حقي حقي ! يقصدون ريلها و هي كانت تسكت و تصبر و ربت عيالها و كونت بيت و اسره كبيره الحمدلله .. > ماقد طلبت الطلاق !
وضعيه ثانيه ..
وحده عاشت ويا ريلها و ماقصرت بحقه فوق ال30 سنه ! سار عرس عليها و خذ هنديه .. و عندها هي درزن عيال ماشاء الله و جميله و مثقفه .. و يوم سمعت الحريم العيايز فاتحين السالفه و سألوها ليش يافلانه ماهديتيه شوي؟ قالت انا يوم واحد ماطلعت من بيت رييلي رغم تقصيره! ( العشره هاي ماتهون اكثر عن 30 سنه ) قالت الحرمه 30 سنه اكيد عشره! قالت العيوز ! والله لو يومين لازم تعرف انها شاله اسمه و لو تبا .. بتروم تكمل حياتها عسل على عسل! وياه و طبعا عمرها ماطلبت الطلاق و الحمدلله ريلها الحين صح انهم شياب و عيايز بس يحبون بعض و متفاهمين لان من البدايه ماطلبو التفارق .. الحين اي زله
قالت طلقني والله جد انا اقول انه والله حرام بذنبكم كحريم و ك اطفال وين بيسيرون! يعني اذا اطلقتي شو بتستفيدين! والله ويع رااس و حاله .. لو ريلج ماكان ذاك الزود زين و لو كان زين و لو كان صدددق مب زييين > الدعااء !! < االشي الي يفصل بين الحلم و الواقع الي تبينه الدعاء لادعيتي صار لا صرتي موقنه بالله و مؤمنه به و واثقه منه بيصير ! خلونا نكبر بيوتنا و اسرتنا و نحن مرتاحين لو شفنا زله نصبر و نسوي عمارنا مانشووف ترى والله انا من الي سمعته و عرفته و شفته بعيوني ان الريال ويين ماسار بيلف بيلف بيلف بيلف بيلف مررررده! لبيت ام عياله .. لو هوه مايحبها ماكان خذاها و بداها عن نساء العالم :] صدقيني الباقيين نزوه في حياته و انتي في نظره تسوينهن كلهن :] خلي عقلج كبير .. و السموحه و دعواتي للجميع اذا كنتي حزينه الله يفرحج و مايجيب الزعل و اذا كنتي فرحانه الله يديم الفرح ! و اذا كنتي في مصيبه ربي يفرجها عليج و اذا تبين شي رفعي ايديج و قولي الصلاه الابراهيميه و قولي دعائج و اختميها بصلاه ابراهيميه :] و ثقي برربج ..
تعلمت هالحكمه من العيايز و قلت عالاقل اقولكم شو تعلمت و شوي يعني تستفيدون مني مع اني مستحيه منكن لاني صغيره و اخاف تقولون هاي شو تخربط ههههه و السموحه عالاطاله
ايدج الراي حبوبه
مـــآشـــآء الــلــه عــلــيج
كــــلآمــج 100% صح
يـعـطـيـج الـعـافـيـه ^^
اول غير وإلحين غير
ريااييل اول احسن عن رياييل إلحين ,,
الله المستعان خيتوو
مشكوره ع الطرح
تفرق في طريقة معاملةالريال
الريال اللي يضرب حرمته ويسبها ويتهمها في شرفها
هذا اسمحيلي تهون العشرة عليه ومعاه ولا يستاهل دمعة
الريال اللي ما يخلي منكر ما يسويه من زنا وخمر وقمار ومخدرات
هذا اي عشرة بتصلحه
ممكن اذا كان عصبي تتحمله
بخيل تتحمله
اي شي غير الضرب والاهانة يهون ويتتحمله
حتى زواجه من 2 ما اعتبرها حرام ولا جريمة بالعكس يعرس ولا انه يزني بالحرام
صح كلامج والرياييل قبل لا رومانسين واحس فيهم قساوه والحرمه تصبر قبل لا خدامه ولاشي
المشاركة الأصلية كتبت بواسطة عالية الغالية 
الريال اللي يضرب حرمته ويسبها ويتهمها في شرفها
هذا اسمحيلي تهون العشرة عليه ومعاه ولا يستاهل دمعة
الريال اللي ما يخلي منكر ما يسويه من زنا وخمر وقمار ومخدرات
هذا اي عشرة بتصلحه
معاج بكل كلمه ،،، وترى حبوبه زمان اول تحول النفوس اتغيرت وشباب اليوم غير امس ،،، معاج بموضوع الصبر والدعاء بس شغلات الواحد ما يسكت عنها خصوصا اللي رب العالمين حرمها ،،،
ممكن اذا كان عصبي تتحمله
بخيل تتحمله
اي شي غير الضرب والاهانة يهون ويتتحمله
حتى زواجه من 2 ما اعتبرها حرام ولا جريمة بالعكس يعرس ولا انه يزني بالحرام