هلا خواتي ….
انا بكل صراحه اعاني من طبع في زوجي مب عارفه كيف اتعامل مع هذا الطبع وهو الـــمــــــزاجـــــــيه وفوق هذا الــعــــصـــبــــيــــــة ….. ما احب اكلمه يوم يتعكر مزاجه او يكون مضيق ….. لدرجه انه يوم يكون مضيق ومعصب يسوي حركات بتهور …. ومن ناحية المزاجيه احس مرات يسولف ويضحك ومرات ماله نفس على شي ما اعرف من شوه ويوم اسأله يقول بس جيه بروحي ما يفتح لي قلبه باللي يضايقه ويعكر مزاجه تعبت معاه … مب عارفه كيف اعامل هذا الانسان …. وكيف اعالج هاذي المشكله …. ساعدوني ؟؟
طبع المزاجية والعصبية موجوده في كل الرياييل !! سبحان الله
احس الحل الوحيد لمواجهة هالعصبية الإغراءات وصارحيه الغلا اذا شفتيه زودها معاج
قوليله انا حرمتك وحبيبتك وام عيالك جيه تعاملني بهالطريقة وماتقولي اللي فقلبك واللي مضايقنك
نحن روحين فجسد واحد والمفروض نعرف كل شي عن بعض
حسسني اني مهمة في حياتك
وصريخك علي ماينفع ولابد منك انك تحترمني
بس طبعن باسلوب حلوو وهدوء تام يمكن لو صارختي وانفعلتي هو ينفعل بما انه عصبي !
والله يعينج
انا اخواني ما ادانيهم من يعصبون الله يعين ريلي !!
المشاركة الأصلية كتبت بواسطة soso_143 
احس الحل الوحيد لمواجهة هالعصبية الإغراءات وصارحيه الغلا اذا شفتيه زودها معاج
قوليله انا حرمتك وحبيبتك وام عيالك جيه تعاملني بهالطريقة وماتقولي اللي فقلبك واللي مضايقنك
نحن روحين فجسد واحد والمفروض نعرف كل شي عن بعض
حسسني اني مهمة في حياتك
وصريخك علي ماينفع ولابد منك انك تحترمني
بس طبعن باسلوب حلوو وهدوء تام يمكن لو صارختي وانفعلتي هو ينفعل بما انه عصبي !
والله يعينج
انا اخواني ما ادانيهم من يعصبون الله يعين ريلي !!
مشكوره الغاليه على الكلام الحلوو
بس تعرفين حاولت معاه يعني يوم ا شوفه مضايق ما اكلمه موول ويوم يهدى ارمسه يقولي هذا طبع فيني وراثه ابويه جذيه ويدي وكم واحد من اخواني … المشكله فديتج اني كيف اخلصه من هذا الطيع ؟؟
اهنا العوق
هذا شي وراثي يا الغلا وبصعوبة يتخلص من هالشي
والله يعينج وان شاء الله البنات يفيدنج
بس بغيت اعرف لو هالعصبية زادت في فترة معينة والمزاجية بعد لو في فترة معينة
لو تغيرون جوو وتسافرون او تروحون مكان بعيد عن اهاليكم يمكن ريلج يغير جوو ووهالساعة ونتوو بعيد عن الكل راجعوو حساباتكم
الجوو الخارجي يلعب دوور تراه والله كريم ودعي ربج انه يهدي سرهـ
انصحج تبعدين عنه بهالوقت وتخلينه براحته
وهو يوم يهدأ بنفسه بيقولج كل شيء
وماتقدرين تغيرينه صعب صعب
فتقبلي الامر
ولاتسالينه عن كل شيء هالشيء ما يحبونه الرياييل
المشاركة الأصلية كتبت بواسطة رافينا وهو يوم يهدأ بنفسه بيقولج كل شيء
وماتقدرين تغيرينه صعب صعب
فتقبلي الامر
ولاتسالينه عن كل شيء هالشيء ما يحبونه الرياييل
تسلم يمناج الغاليه …
وهذا اللي انا اسويه مووول ما ارمسه يوم هو مضيق وربج كريم
كل ما يكون معصب لا تكلمينة يوم يهدى قوليله اذكر الله ,,
واو عطية المسباح خلية يستغفر ربة ,,يمكن ينفع معاه