يا بنات أبى أصبغ بيتي اليديد من برع بس محتارة بلون مليت من الالوان التقليديه..منو تساعدني بلون خطير يطلع شي بالصبغ و تنصحني اذا لازم ألبس السور بحجر و تختار هي الحجر..و أنا ما راح أقصر وياها..تراني أحب التميز
ويزاكم الله الف خير..اللي عندها الاستعداد او شايفه لون مبهر تراسلني..
خذيلج لفة في مناطق بنيان يديدة وصوري الشي اللي يعيبج
وغيري فيه مثل ما تحبين
وأتوقع ان المهندس لازم يكون عنده عينات للاختيار والاقتراح
والله يوفقكم 
اللون البيج او الترابي احلى شي …
أنستازيا مشكوررررة الغاليه على الرد و عيزت الغاليه من الحواصه بس لحد الان ما حصلت شي فعلا دش مزاجي….
المشرفه العزيزه ديزاينر ستايلش يا ليت يا الغلا تحطليلنا صور للون الرملي أما البيج أحس مليت من كثر ما أشوفه و مشكوره يا الغلا على مرورج و إفادتج…
حبيبتي اذا انتي من ابوظبي
فندق الشيراتون عندكم احلى لون لغاية الحين انا شفته
او اللون اللي في الرويال ميراج في دبي
لون حلو
رملي حلوووووووووو
ما أعرف بس انا بقول لج ذوقي،،،،
إذا تبينه مميزه حطي رمادي وأبرزي الأشياء الثانية باللون العنابي،،،،
أو اللون الأخضر اللي ياي على درجة التركواز الأفتح من الازرق مع أسود ،،،
شوفي ترا بالنظر يبين أكثر ،،، ولا تسمعين ريلج ولا حد المهم انتي تكونين مقتنعة هذا اهم شي،،، تعرفين انا بيتي ما شاء الله حطيت من داخل الوان روعه ولكن منسقة،،، في ناس تحط الوان بس ما تكون منسقة ،،،،
فرووووووووحه نكج حلووووو شفت الالوان اللي قلتيلي عنها بس هي كانت لون واحد أنا أبى أدمج لونين…مشكووووره الغاليه عالمرور..و أتحفينا بأفكارج و مشاركتج للموضوع…أتريا منج المزيد…
الغالية وحانية إقتراحاتج مذهلة مثلج بس تخوف..أحس روحي مب جريئه لهاك الزود اللي يخليني أصبغ رمادي مع عنابي احسه بيطلع جدا جدا غريب، صارخ و ملفت للنظر..يا ليت لو كانت عندج ألوان أهدأ شوي..و مشاركتج فعلا نورتلي الموضوع..