مساكم الله بالخير والسرور
عندي كم استفسار حول هاي الصوره
[IMG]
[/IMG]
شوفي اخر القماش كيف مخيوط
ابغي اعرف كيف اسوي هاي الحركه؟؟
وهل هاي مكينه خاصه لهاي الحركه؟؟؟؟
اي مكينه تنفع .؟؟
وبشو تنصحوني؟؟
هذا يسمونه تنظيف الخياطة —-الله يرحم ايام التربية الاسريه علمتنا وايد اشياء
وعادي يستوي بمكينة الخياطة العادية
الغالية هذي تستوي بمكينة السرفلة او الـoverlock وتكون مكينة عريضة ب3 او 4 خيوط وعادة اسعارها تتفاوت من 800 وانتي طالعة كونها مكينة نوعا ما معقدة…بس انا مكينتي مادري كيف خذتها ب 400 درهم ماشي حالها واتصرفلي اموري ووايد اوكي
هذي صورة المكينة ومن شكلها اكيد بتحسين انج شفتيها في محلات المكاين ولا عند الخيياييط
اول ابدي بالاشياء الاساسيه في الخياطه
الاوفرلوك اللي انتي مصورتنه بعض المكاين ما تسويه .. يعني بالعاده ايي اعرض
مش مثل الصوره … اقل عرض .. ومدبب
مافهمت عليكن والله
يعني مكينه معينه تكون هاي الخياطه ولا؟؟
الاساسيات خلصت منها بس احين اوصل للنهايه ومب عارفه كيف اسوي هاي الحركه
حبيبتي الغرزة تسويها مكينه مخصوص للتنظيف ويسمونها سيرجر او اوفر لوك
اللي حطت صورتها ميا جزاها الله خير
ولكن لو ما عندج المكينة تقدرين تودين القماش للخياط يسرفل لج الاطراف
او بغرزة الزجزاج على المكينة العادية اللي فيها تطريز
يا رب يكون ردي واضح