الزهبة .

شو تجهيزات العروس من الزهبة………….

خبرونا كيف اتجهزتوا حك الزهبة .. بالترتيب

اتمنى لكم التوفيج …..

وثانياً: لازم تجهزين حك الزهبه قبل ثلاث شهور من العرس عسب تاخذين وقتج…

أول شي لازم تخلصين لوازم العروس مثل ( حجز فستان العرس ، حجز الكوشه ، حجز فندق، حجز مكياج والكوافيره….الخ)…

بقولج شو الأساسيات لازم تجهزين حك الزهبه:

1. تفصيل العبي والشيل (لازم تفصيل عبايتين او ثلاث للمناسبات والزيارات + تفصيل عبايتين او ثلاث فيها شغل بسيط وخفيف مثلا للدوام + واذا كنتي بتسافرين حق شهر العسل لازم تفصيل عبايتين ساده……)

2. قميص نوم حق ليلة الدخله ( تقدرين تاخذين من نعومي او لاسنزا……الخ)

3. مخاوير ( مخاوير للبيت + مخاوير للطلعات)

4. قمصان نوم ( لازم تنوعين بين قصير + وطويل + أطقم الملابس الداخليه)…

5. تنانير وقمصان او بدلات ( للطلعات + للبيت)

6. بناطلين وبديات ( بناطلين جينز للطلعات أو+ بناطلين قصار للبيت)

7. بجامات ( قطنيه وحريريه ) طوال أو قصار

8. نعول ( كعب و سطاحي) اذا بتسافرين حق شهر العسل حذي سطاحي مريح…

9. سوع

10. شي المهم لازم تخلصين الذهب مثلا ( طقم ليوم العرس + طقم حق الصباحيه + أطقم صغار للبيت)

11. ساعه ماركه ليوم العرس

12. اذا بتسوون حفلة ليوم الحناء ( لازم تاخذين فستان مع اكسسوارتها)….

13. جلابيات للبيت

14. الملابس الداخليه

15. الشلح

16. الصراويل

17. شنط اليد

18. العطورات ( عربيه وفرنسيه)

19. العطورات ( كريمات للجسم + لوشن للجسم + شاور جل + عطورات للجسم)

20. الميك اب ( انا اقول لو تاخذين صندوق كبير اللي يبيعون كل شي مال ميكب احسن عسب توفرين الوقت )

21. جلوسات + أرواج + بلاشر + قلم كحل + أي شدو + اي لاينر + كريم فاونديشن…..الخ

22. بوك او محفطه

23. اكسسوارات شعر مثل ( شباصات)

24. شيل للبيت

25. سجادة الصلاه مع شيله

26. فوط والأرواب

27. المسك

28. عطر للفراش

29. مشط للشعر

30. فوط صحيه (كوتكس أو فوط كيري فري)

31. شباشب

32. ماكينة براون مع شفره والجل

33. كريمات أو مرطبات للوجه ( كريمات النهار واليل)

لا تتقيدين باللي سواه غيرج يمكن انتي ذوقج وماتلبسين اللي يلبسه غيرج والعكس

انا روحي سويتلي لستة ومشيت عليها مع شوية مساعدات من اختي وبنات عموتي
بس مب كل شي يقولونه اشتريه
مثلا انا مافصلت مغربيات لني ماحب ألبسهم وكثرت من التنانير القصيرة والقمصان بناطلين لنه هذا هو الاستايل اللي البسه وغير جي انا بسكن روحي (شي بنات مايقدرون يلبسون هالاشياء لنهم بيسكنون مع اهل الريل فما يشترون منها)
وفصلت عبي شغلها بسيط وراقي لني ماحب الزحمة والاشيا الدفشة
وكثرت من العطور الفرنسية وخذت شويه من العطور العربية والمخلطات والدخون
يعني في كل شي مشيت عذوقي
وماشتريت ذهب وايد لني اعرف اني ما بلبسهم الا في المناسبات

لنه بالاول والاخير انتي اللي بتلبسين وبتستخدمين زهبتج .. ف لازم اتكونين مرتاحة فيهم

اتمنى ان اكون وصلتلج المعلومة