مرحبا بنات واشحالكم؟؟؟؟
انا قرب موعد ولادتي….بس محتارة وين اربي الكورنيش والا الرحبة؟؟؟
في بنتي ربيت في الكورنيش والصراحه كان مب لهناك من ناحية الأكل والاهتمام يعني طرارة لين يسوون لج شي
وربيعاتي ينصحوني في مستشفى الرحبة بس قلت بسألكم يمكن حد مجرب؟؟!!
انصحج في الرحبة ابصراحه رعايتهم واهتماامهم اوكيه انا ربيت في بنتي هنااك وان شاء الله بربي فيه بعد هل المره
كل وحده بتعطيج راي..
دام انج جربتي الكورنيش فشو رايج اجربين الرحبه..
في ولادتي بالأول رحت الكورنيش وخدمتهم كانت OK
وان شا الله موعد ولادتي بالثاني على نهاية ابريل..وان شا الله ناويه اربي فالكورنيش..
والله يقومج بالسلامه..
انا الصراحه كل عيالى ربيتهم في الكورنيش و ملفي من اول حمالي عندهم فهم
ادرى بحالتي… العلاج و الولاده وايد زين بس تيين عند العنابر الحق ينقال مب حلو ….بس انتي إذا مش مرتاحه روحي الرحبه و انا مع ام عمر و ريم الفلا و كثير حريم سامعه انه الرحبه وايد زينه ………… تربيين بالسلامه إنشاء الله.gif "13 (56)")
هلا حبوبه انا كل عيالي ربيتهم فالكورنيش ،، لانه طبعي ما احب اغير واجرب خاصه فشي مثل الولاده 
بس سمعت انه الرحبه مريحه ونظيفه وغرفهم واسعه بسسسس عيبهم شي واحد ما عندهم خبره مثل الكورنيش … وياما سمعنا عن سوالف عرضيه تستوي للمربيه او مشاكل عند الولاده ،، والكورنيش عندهم هالخبره عشان جي افضل الكورنيش ..
واذا ع العنابر تراها كلها ليله وحده وتطلع المربيه …
والله يسهل عليج غناتي 
جربي الرحبة دام ربيعاتج جربنة
والله يسهل عليج
انا اول حمل لي وانشالله بربي في الرحبه وفي ناس يذمون الكورنيش ويقولون قبل اوكيه بس الحين كل يسون عمليه وانتي استخيري ربج وانشالله بتتيسر امورج